Fysioterapiavdelinga finn du på Sandetun omsorgssenter. Du går inn på den gamle hovedinngangen og finn fysioterapiavdelinga til venstre når du kjem inn døra. Både den kommunale fysioterapiavdelinga og fysioterapeut med driftsavtale finn du på Sande fysioterapi.
Mål for tenesta
Fremje aktivitet, meistring og sjølvstende. Setje søkjar i stand til å utvikle, gjenvinne eller oppretthalde funksjonsnivå.
Kostnad
Fysioterapi for born under 16 år er gratis. For personar frå 16 år er det eigenandel på behandling til frikortgrensa er nådd.
Vilkår for tildeling
Du har utfordringar som påverkar kvardagen og evna til sjølvstende som følgje av:
- Forseinka utvikling og/eller motoriske vanskar
- At du har eller står i fare for sjukdom og/eller funksjonstap
- Erverva skade og/eller smerter
- Samansette behov der tverrfagleg oppfølging er nødvendig (rehabilitering/habilitering)
- Fysiske og/eller psykiske helseutfordringar
Praktiske opplysningar
- Tenesta vert tildelt etter fagleg vurdering av alvorleiksgrad og tiltakets nytte, basert på kommunal prioriteringsnøkkel.
- Kartlegging og vurdering skjer ved oppstart og undervegs for å følgje opp funksjon og måloppnåing.
- Oppfølging kan bestå av: råd og rettleiing om fysisk aktivitet og stimulering, opptrening og behandling individuelt eller i gruppe, opplæring av søkjar, pårørande eller samarbeidspartnarar, og bistand til å søkje hjelpemiddel.
- Tenesta vert gjeven på kvardagar på dagtid.
- Du kan sjølv ta direkte kontakt med tenesta utan tilvising.
- Det fins også gruppetilbod: "Sterk og stødig" og “Styrkegruppe”.
Forventningar:
Til kommunen:
Opptre respektfullt og gje tilbakemelding dersom tiltaka ikkje fungerer.
Til deg:
- Bidra aktivt til å formulere mål for trening
- Delta aktivt ut frå eigne føresetnader
- Gje beskjed i god tid ved avlysing av timar
Slik bestiller du time
Ring 48892151 - (kommunale fysioterapeutar) eller 70239676 (Kristian Teigen, privat med driftsavtale) for å bestille time. Om du ikkje får svar, vil dei ringe tilbake.
Lovgrunnlag
Helse- og omsorgstenestelova § 3-2, andre ledd, samt § 3-3.
Rett til klage
Det kan ikkje klagast på tildeling av denne tenesta.