Har du fått utrekna skatt etter formuesverdien på skattemeldinga di, kan du ikkje klage til Sande kommune.

Dersom du meiner formuesverdien i skattemeldinga di er for høg, må du sende ei endringsmelding til Skatteetaten.

Endre grunnlaget for eigedomsskatten hos Skatteetaten.

Du treng ikkje å gi beskjed til kommunen om at du har endra formuesverdien hos Skatteetaten. Merk at det kan ta litt tid frå du får vedtaket frå Skatteetaten, til kommunen får den nye formuesverdien. Vert formuesverdien endra i 2026 vil dette først påverke eigedomsskatten for 2028.

Klage på eigedomsskatt etter kommunal takst - klagefrist

Du kan klage dersom du kan dokumentere at taksten er for høg samanlikna med den antatte marknadsverdien.

Ved andre feil eller spørsmål, ta kontakt med kommunen før du eventuelt sender inn ei klage.

Klagefristen er 6 veker frå skattelista blir offentleggjort eller vedtaket blir sendt ut. For innføringsåret 2026 vert klagefristen utvida til 8 veker.frå den dagen du mottek skattesetelen.

Skjema for klage finn du her.

Klagar du etter fristen, er det eit vilkår at du eller fullmektigen ikkje kan lastast for å ikkje ha overhaldt fristen, eller at det av særlege grunnar er rimeleg at klagen blir prøvd. Du må grunngi kvifor du sender klagen etter fristen.  

Klagen kan bli avvist fordi du har klaga for seint.

Les meir om klage på eigedomsskatt her.

Eigedomsskattegrunnlaget byggjer på faktaopplysningar og skjønsmessige vurderingar. Dei skjønnsmessige vurderingane tek opp både generelle forhold rundt eigedomar og spesielle forhold som påverkar verdien.

Er taksten realistisk ved sal i ein fri marknad utan hefte på eigedomen? Du kan klage dersom du kan dokumentere at taksten er for høg i høve til antatt omsetningsverdi. Sakkunnig nemnd vil kunne vurdere dette på nytt. Dersom taksten vert endra, kan klagaren ende opp med både høgare og lågare takst.

Det har blitt gjort ei verdivurdering ut frå kva marknaden er villig til å betale for huset ditt. Andre faktorar enn areal kan spele inn på verdien. Sjå også spørsmålet om kva takstmannen har lagt til grunn.

Eigedomsskattelova tek ikkje stilling til privatrettslege avtalar.

Dette er på grunn av ein privatrettsleg avtale mellom deg og nausteigaren. Dersom det ikkje ligg føre opplysningar om kven som eig bygninga, så vil den som er grunneigar i utgangspunktet svare for eigedomsskatten. Dersom nausteigar skal motta kravet om eigedomskatt, må de tinglyse heimelsovergang på eigedomen. Du kan også undersøke om du får skilt ut ei festa tomt eller punktfeste. Når dette ligg føre, vil eigedomsskatten bli flytta til rett eigar.

Ein del eigedomar i kommunen består av fleire gards- og bruksnummer, som kvar for seg vert skattlagde. Dersom ein slår desse saman til éin juridisk eigedom, kan ein oppnå både rettare skattlegging og ei rettare grunnbok. Dersom du ønskjer å samle eigedomane under eitt gards- og bruksnummer, må du sjølv sende inn søknad om samanslåing.

Nokre eigedomar skal ha fritak, disse følgjer av eigedomsskattelova § 5. Andre eigedomar kan få fritak i medhald av eigedomsskattelova § 7. Det er opp til kommunestyret å avgjere kva fritak det ynskjer å gje etter paragraf § 7. 

Kommunen må handsame alle eigedomar i same kategori likt. Meiner du at ein eigedom skulle hatt fritak og ikkje har fått det, kan du søkje eller melde frå til kommunen om dette. Andre vanlege bustadeigedomar og næringseigedomar vil ikkje få innvilga fritak. 

Kommunestyret sitt vedtak kan påklagast og vert endeleg avgjort av klagenemdna for eigedomsskatt.

Nei. Både meklartakst og kommunens eigedomsskattetakst har antatt marknadsverdi som utgangspunkt. Når kommunen, gjennom sakkunnig nemnd har fastsett takst, har eit overordna mål vore å sikre likebehandling av eigarane av eigedomane.  

Dette er eit forhold som meklarane ikkje treng å ta omsyn til, mellom anna ved at dei i mange tilfelle takserer potensialet ved en eigedom.

Det betyr at taksten framleis er gjeldande. Viss du får medhald i klaga di, vil det du har betalt for mykje, verte betalt tilbake. Du må altså betale utsendt krav, ei eventuell endring vert korrigert på neste rekning.