Formannskapet var tidlegare på synfaring hos Larsnes Mek verkstad A/S og fekk orientering om planane her. Verftet skal opparbeide overbygd tørrdokk og elles fornye mykje av bygningsmassa. I samband med dette vert det mykje overskotsmasse (ca 35 000 kbm) som kan nyttast i nærområdet. Samla investeringar for verftet er på omlag 250 mill kr.
Formannskapet gjorde etter synfaringa vedtak i mai 2021 om få vurdert alternative plasseringar av denne overskotsmassa. Administrasjonen har utgreidd dette og kome fram til at utfylling på Larsneset - sjå kartskissa ovanfor - kan vere eit godt alternativ.
For å kome vidare med dette må det dispenserast frå gjeldande reguleringsplan noko som vart vedteke på siste formannskapsmøte 25.februar i sak 21 /726 - Utfylling i sjø - Larsneseet - Rønnebergplassen 21 - Gnr 87 Bnr 23. Saka har i forkant vore på høyring hos eksterne mynde og innspela frå desse låg føre til det aktuelle formannskapsmøtet.