På saklista finn vi fleire interessante saker. Formannskapet skal få orientering om Helseplattformen og om kommunedirektøren sitt forslag til budsjett for 2022/Økonomiplan for 2023 - 2025.

Det skal gjevast tilråding til kommunestyret i saker om spelemidlar, om reglement for datautstyr til folkevalde og vi har to planar som skal sendast ut til offentleg høyring/ettersyn - kystsoneplan og trafikktryggingsplan.

Sak om Intensjonsavtale om regionalt program for å styrke det marine kunnskapsgrunnlaget skal også handsamast. I saksframlegget kan vi lese slikt samandrag:
"Gjennom statlege løyvingar arbeider Kartverket, Norges geologiske undersøkingar (NGU) og Havforskningsinstituttet (HI ) for å få i gang ei nasjonal satsing for å samle inn geologiske, kjemiske og biologiske data om havbotn langs kysten i Noreg.
Møre og Romsdal fylkeskommune ønskjer å posisjonere Møre og Romsdal inn mot det nasjonale prosjektet, og ein intensjonsavtale som erklærer ein felles intensjon om å etablere eit forpliktande samarbeid i regionen er eit tiltak for å styrke fylket sin posisjonen i nemnte satsing".

Du kan lese alle sakspapira her.