Statsforvaltar, fylkeskommune og Distriktssenteret hadde på føremiddagen ein arbeidsverkstad med dei folkevalde om planarbeid i kommunen. Dei folkevalde fekk jobbe i grupper med ulike problemstillingar i tillegg til informasjonsbolkar om planlegging, økonomi, utfordringsbilete og status i Sande.
Etter arbeidsverkstaden var det ordinært kommunestyremøte der spørsmålet om Coop Marked Gjerdsvika skal få løyve til å selje alkohol når der ikkje er fysisk bemanning i butikken. Denne saka skapte god debatt i kommunestyret, og eit fleirtal på 12 representantar vedtok å innvilge søknaden.
Møtet vart strøyma.
Er du interessert i kva som vart debattert kan du finne opptak av møtet her.
Du kan “skrolle” deg fram til det du er mest intressert i når du trykker på Play og dreg den att og fram i møtet.
Under finn du alle vedtaka som vart gjort på møtet.
Sak K-17/24 Open talarstol
Behandling
Kristine Rein, kommunefysioterapeut: Kuttforslag i fysioterapitenesta i Sande kommune
Sak K-18/24 Interpellasjonar
Sak K-19/24 Grunngjevne spørsmål
Sak K-20/24 Orienteringar
OS-02/24 Orientering om prosjektet ombygging Sandetun omsorgssenter v/byggeleiar Kjell Hauge.
Vedtak
Orienteringar vart samrøystes tekne til vitande.
Sak K-21/24 Referatsaker
Vedtak
Referatsaker vart samrøystes tekne til vitande.
Sak K-22/24 Sande kontrollutval - Årsmelding for 2023
Vedtak
Kommunestyret godkjenner årsmelding 2023 for kontrollutvalet.
Sak K-23/24 Veteranplan
Vedtak
Sande kommunestyre vedtek vedlagde veteranplan slik han ligg føre.
Kommunen sin veterankontakt skal vere ordføraren.
Utgiftsdekning til felles veterankontakt med inntil kr 10.000.- pr år vert dekt frå ansvarsområde politisk styring.
Sak K-24/24 Justering av gebyrregulativet - nye husleigesatsar for bustadar eig av Sande bustadstifting og som vert forvalta av Sande kommune
Vedtak
Sande kommunestyre vedtek kr 10.061 pr mnd som ny husleigesats for nye/framtidige avtalar om leige av bustadar eigd av Sande bustadstifting og som vert forvalta av Sande kommune.
Sande kommunestyre gir kommunedirektøren fullmakt til å justere gjeldande gebyrregulativ i hht vedtak.
Sak K-25/24 Årsmelding for Råd for personar med nedsett funksjonsevne 2023
Vedtak
Sande kommunestyre tek årsmeldinga for 2023 for Råd for personar med nedsett funksjonsevne til vitande.
Sak K-26/24 Årsmelding for Sande Ungdomsråd 2023
Vedtak
Kommunestyret tek årsmeldinga for 2023 for Sande ungdomsråd til vitande.
Sak K-27/24 Årsmelding for eldrerådet 2023
Vedtak
Årsmeldinga for eldrerådet 2023, vert teken til vitande .
Sak K-28/24 Coop Marked Gjerdsvika - Endra salsløyve for alkohol i ubetent butikk
Vedtak
Sande kommunestyre vedtek å innvilge søknad
Det er opp til kommunen sitt frie skjøn å vurdere om løyve bør gjevast, og kommunens skjønsadgang er svært vid, så lenge avgjersla er gjort på eit sakleg grunnlag, jf. alkoholloven § 1-7 a.
Løyvet gjeld som ei prøveordning til 30.september 2024. Innan den tid skal ordninga evaluerast.
Her finn du alle sakspapira og møteprotokollen frå møtet.