iStock

Fritak for eigedomsskatt

I samsvar med § 5 i Lov om eigedomsskatt  til kommunene er det visse eigedomar som er fritekne for denne skatten:  Sjå § 5 i Lov om eigedomsskatt til kommunane.

Sande kommune har også gitt fritak for eigedomsskatt i 2026 etter eigedomsskattelova § 7 bokstav a, b og c,

Dette gjeld: 

• eigedomar eigd av stiftingar eller frivillige lag og organisasjonar som driv almennyttig arbeid i kommunen, 
• bygningar med historisk verdi
•  nyoppførte bustadar inntil formuesgrunnlaget frå skatteetaten ligg føre. ( inntil 2 år etter oppføring)

Administrasjonen vil utarbeide fritaksliste som vil bli lagt fram i eiga sak seinare.

Eigedomsskattevedtekter

Kommunestyret vedtok i K-sak 19/26  eigedomsskattevedtekter slik at ein kan starte arbeidet med utskriving av eigedomsskatt. 

Kommunestyret skal i mars velje medlemmar til lovpålagde nemnder som skal vere med i dette arbeidet. 

Taksering av bustadar

For bustadeigedomar vert bustadverdien nytta - det vil seie formuegrunnlaget frå Skatteetaten - til å berekne skatten.

Alle eigedomar som ikkje har formuegrunnlag må takserast. Det skjer i hovedsak ved utvendig synfaring.

Taksering av andre eigedomar 

Næringseigedomar, hytte, naust og liknande  har truleg  ikkje eit formuegrunnlag frå Skatteetaten i dag. Desse  må difor synfarast og takserast. 

Takseringa av slike eigedomar kan vere meir detaljert enn for bustadar. Det kan vere behov for at dei som skal taksere, kjem inn i bygget. Eigaren vil i så fall verte kontakta i god tid.

Føretaket Verditaksering Kjell Larsen AS (VKL AS ) har fått tildelt oppdraget med å taksere eigedomar i Sande kommune i samband med innføring av eigedomskatt. VKL AS skal dermed stå for taksering av alle eigedomar som ikkje har eit formuegrunnlag fastsett av Skatteetaten.

Før taksering skjer ute i felt vil heimelshavar få varsel per brev om taksering. I dette brevet vil heimelshavar finne informasjon om tidspunkt for taksering (synfaring). Heimelshavar har rett til å delta på takseringa om det er ynskjeleg. 

Her kan du finne alle vedtak om innføring av eigedomsskatt, fritak, kva eigedomar dette gjeld og anna .

Du finn meir informasjon om eigedomsskatt her

Sande kommune reknar med at første faktura for betaling av eigedomsskatt vil bli utsendt hausten 2026.