Sak K-36/23 Årsmelding for eldrerådet i Sande 2022
Vedtak:
Sande kommune tek årsmeldinga for eldrerådet 2022 til vitande
Sak K-37/23 Årsmelding for Rådet for personar med nedsett funksjonsevne 2022
Vedtak:
Sande kommunestyre tek årsmeldinga for 2022 for Rådet for personar med nedsett funksjonsevne til vitande
Sak K-38/23 Endring av organisasjonsform for Søre Sunnmøre IKT
Vedtak:
1. Søre Sunnmøre IKT vert organisert som eit Kommunalt oppgåvefellesskap etter reglane i kommunelova (2018) kapittel 19.
2. Kommunestyret godkjenner vedlagt “Samarbeidsavtale for Søre Sunnmøre IKT kommunalt oppgåvefellesskap”.
3. Den nye samarbeidsavtalen trer i kraft 30.09.2023. Da vert organisasjonsforma for Søre Sunnmøre IKT-samarbeid endra til kommunalt oppgåvefellesskap etter kommunelova kapittel 19. Frå same tidspunkt vert «Vedtekter for Søre Sunnmøre IKT» etter kl § 27 (LOV-1992-09-25-107) oppheva. Eigedelar, rettar og plikter i samarbeidet vert frå same tid overført til Søre Sunnmøre IKT kommunalt oppgåvefellesskap.
4. Representantskapet for oppgåvefellesskapet Søre Sunnmøre IKT skal gjere ei vurdering av kostnadsfordelinga mellom deltakarkommunane i Oppgåvefellesskapet. Denne skal leggast fram for politisk behandling hos deltakarkommunane innan 31.12.2024.
5. Dersom Vanylven kommune vedtek å signere på samarbeidsavtalen innan 01.07.2023, vert dei tatt inn som deltakarkommune under §2 i Samarbeidsavtalen utan ny behandling hos dei andre deltakarkommunane.
6. Det er ein føresetnad for vedtaket 1-5 at dei andre medlemskommunane gjer likelydande vedtak.
Sak K-39/23 Avtale om vertskommunesamarbeid for overgrepsmottak og vald i nære relasjonar
Vedtak:
Kommunestyret vedtek samarbeidsavtalen om vertskommunesamarbeid for drift av interkommunale tenester i verksemd legetenester - gjeldande avtale for Sande kommune tenesteavtale 5 Overgrepsmottak og vald i nære relasjonar
Sak K-40/23 Avtale om vertskommunesamarbeid mellom Ålesund kommune og Sande kommune for tenesteområdet barnevernsvakt
Vedtak:
Kommunestyret vedtek samarbeidsavtalen om interkommunalt samarbeid for barnevernsvakta på Sunnmøre.
Sak K-41/23 Endring i delegeringsreglement - omgjering av matrikkelkode
Vedtak:
Næring, teknisk og miljøutvalet får mynde til å handsame søknad om dispensasjon frå Plan- og bygningslov samt dispensasjon frå reguleringsplanar og arealdelen av kommuneplan i saker som omhandlar endring frå matrikkelkode 161 Fritidsbustad til 111 Einebustad.
Sak K-42/23 Gjerdsvika Småbåtlag/småbåthamn - søknad om kommunal vassledning
Vedtak:
Saka vart samrøystes utsett.
Kommunestyret bed om å få saka tilbake etter at administrasjonen har vurdert innspel frå Tom-Inge Gotten.
Sak K-43/23 Reguleringsplan Bringsinghaug 02 - omlegging av veg
Vedtak:
Saka vart samrøystes utsett.
Saka vert sendt attende til administrasjonen for ny utgreiing med bakgrunn i innkomne innspel.
Sak K-44/23 Kommunale vegar - rehabilitering 2023
Vedtak:
Kommunestyret vedtek å prioritere opprusting/asfaltering av kommunale vegar slik det går fram av administrasjonen sine prioriteringar.
Sak K-45/23 1.tertialrapport med budsjettrevisjon drift 2023
Vedtak:
Sande kommunestyre godkjenner tertialrapporten for 1. tertial 2023
Sande kommunestyre godkjenner foreslått budsjettrevisjon slik det går fram av tertialrapporten
Rebudsjettering mellom år 2022 og 2023 vert godkjent i samsvar med oppsett kapittel for rebudsjettering
Sande kommunestyre ber administrasjonen arbeide med å finne tiltak som kan auke inntektene, og/eller redusere utgiftene i kommunen. Slike tiltak skal leggast fram som eigne politiske saker for vurdering og prioritering.
På innsynsløysinga vår kan du lese møteprotokollen og alle saksdokumenta.