Sak K-110/23 Budsjett 2024, Økonomiplan 2024-20
Vedtak:
1. Kommunedirektøren sitt framlegg til Økonomiplan 2024 -2027 og årsbudsjett 2024 vert vedteke med slike endringar og presiseringar:
· Innføring av investerings-, innkjøps- og tilsetjingsstopp ut første kvartal 2024. Forventa innsparing kr 1 000 000,-. Denne innsparingssummen vert fordelt på budsjettområda, jamfør økonomireglementet sitt kap. 2.1, etter ein lik prosentsats.
· Det skal ikkje gjerast endring i skulestrukturen. Skulesektoren får tilført kr 500 000,- for å ta ut innsparingstiltaket på skulestruktur i 2024.
· Kyrkjesektoren får tilført auke i kommunalt driftstilskot med kr 300 000,- for 2024.
· Nei til eigedomsskatt
2. Kommunedirektøren sitt framlegg til Investeringsbudsjett 2024 – 2027 vert vedteke med slike endringar og presiseringar:
Følgjande tiltak vert skuva utover i økonomiplanperiode i frå 2024
· Branngarasje kr 10 mill
· Ambulansekai Larsnes 1,5 mill
Prioritering av vedlikehald/oppgradering i 2024
- Toalett/sanitæranlegg Gursken oppvekstsenter skal prioriterast
Generelt for kontroll og styring av investeringsprosjekt:
· Gjennomgang av avslutta og pågåande investeringsprosjekt i 2023, herunder mot vedteke budsjett, kostnad og endeleg prognose
For nye investeringsprosjekt gjeld følgjande:
- Kost/nytte vurdering vert lagt fram til politisk gjennomgang
· Politisk vedtak av kvart einskild prosjekt før oppstart
· Fortløpande prosjektrapportering gjeldande for alle prosjekt inkl. VAR-området, frå d.d. Administrasjonen legg fram mal for godkjenning
3. Framlegg til gebyr- og betalingsregulativ for 2024 vert vedteke slik det går fram av «Gebyrliste». Det vert vurdert tvungen kopling til kommunale vassverk for nærliggande eigedomar i samsvar med Plan- og bygningslova § 27-1. NTM legg fram eiga sak for budsjettet 2025.
4. Sande kommunestyre vedtek følgjande forslag til finansielle måltal for økonomiplanperioden 2024-2027:
- Netto driftsresultat i % av brutto driftsinntekter bør vere minimum 1,75%
- Disposisjonsfondet skal i løpet av planperioden ligge på 4% av brutto driftsinntekt