Bli med i eldrerådet? Kvifor? Alle kommuner skal ha eit eldreråd i følge kommunelova. Eldrerådet kan sjølv fremme saker og dei skal få framlagt saker som gjeld dei eldre i samfunnet. Kari Ristesund har vore med i eldrerådet i 3 perioder. Den siste perioden som leiar i rådet. I Sande har ein valgt representantar og vararepresentantar frå kvar krins - Gjerdsvika, Gursken, Larsnes, Sandsøy og Kvamsøy. Dei skal representere bygdene sine , og det er slik lett å ta kontakt med den valde representanten dersom ein vil ha fram ei sak politisk - gjennom eldrerådet. Kvifor bli med i eldrerådet? - Som medlem i eldrerådet får du betre kunnskap om ulike forhold innanfor dei ulike tenestene og du får vere med å påverke det som skal skje. På denne måten kan du bli eit talerør for den eldste generasjonen i samfunnet. - I Sande har vi ein god struktur på saksbehandlinga der råda - eldrerådet, ungdomsrådet og rådet for personar med nedsett funksjonsevne - alltid får sakene først. Dette har vore eit interessant arbeid alle desse åra, seier Kari, som allereie no har gitt røysta si til det komande kommune- og fylkestingsvalet. Kari var den første som nytta høøvet til å tidlegrøyste. Les meir om korleis du kan røyste her. Bli med i eldrerådet? Kan du tenke deg å vere med? Ta kontakt med administrasjonen om du har noko du lurer på. Vi treng deg som er ung pensjonist og deg som har levd ei stund!