Velkomen til opningsmarkering torsdag 27. mars

Møre og Romsdal fylkeskommune har gleda av å invitere til offisiell opningsmarkering for dei nye ferjekaiene på Larsnes, Åram, Voksa og Kvamsøya.

Larsnes ferjekai Morten Søvde / Møre og Romsdal fylkeskommune

Voksa ferjekai Morten Søvde / Møre og Romsdal fylkeskommune

Tid: Torsdag 27. mars, kl. 13.20
Stad: Larsnes ferjekai

Det blir snorklipping, talar og musikalske innslag. Servering av kaker, kaffi og brus i lokalet til Larsnes IL på kaia.

Program
Tid	Program
13.15	Ferja kjem til Larsnes
13.20	Musikk ved Gursken skulekorps, Gursken brass og Sandsøy hornmusikk
	Velkomen ved samferdselsdirektør Jesper Wiig
	Tale ved fylkesvegsjef Ole Jan Tønnesen
	Tale ved ordførar i Sande kommune, Dag Vaagen
	Tale ved Nils Olav Moen, formannskapet i Vanylven kommune/samferdselsutvalet i Møre og Romsdal fylkeskommune
	Ei helsing til Norled og ferjemannskapet
	Tale og snorklipping ved leiar av samferdselsutvalet i Møre og Romsdal fylkeskommune, Hans Olav Myklebust
	Musikk ved Gursken skulekorps, Gursken brass og Sandsøy hornmusikk
14.05	Kaker, kaffi og brus på kaia

MF Foldøy ligg ved kai under arrangementet

Rutetabellen til ferja får nokre tilpassingar denne dagen:

Avgang frå Kvamsøya kl. 12.45 blir framskunda til 12.25, ankomst Larsnes kl. 13.15.
Avgang frå Larsnes kl. 13.40 blir utsett til kl. 14.10, ankomst Kvamsøya kl. 14.55.
Det vil vere kake om bord for dei som må rekke denne avgangen frå Larsnes.

Neste avgang frå Larsnes med ferja er kl. 16.20 som i ordinær rutetabell.
MS Liv har avgang frå Larsnes kl. 15.20.

Det er avgrensa tal på parkeringsplassar, og vi oppmodar derfor til å samkøyre.
Busstopp Larsnes ferjekai blir ikkje betent under opninga, sjå informasjon i reiseplanleggaren i FRAM-appen eller på frammr.no.

Det kan bli endringar i programmet.