iStock-852075928 iStock-852075928
Er du fødd i 2013 eller før og kan tenkje deg å vere ein del av crewet?
Om du er fødd i 2013 eller før, kan du velje om du ynskjer å melde deg på som deltakar, eller som hjelpar og ein del av crewet som arrangerer sommarcamp. Som hjelparar vil de få arbeidsoppgåver i samband med aktivitetane. Meir informasjon om dette blir sendt ut etter påmelding.
Kva skjer på sommarcampen?
Gjennom veka får deltakarane vere med på varierte aktivitetar både ute og inne. Vi legg vekt på leik, kreativitet og fellesskap.
Nøyaktig program vil bli utarbeidd etter at vi veit kor mange som melder seg på, men aktivitetar vi tenkjer oss er blant anna:
- Leiraktivitetar i Larsnes-skogen. Vi set opp lavvo, bygg eigen gapahuk, lage mat på bål, raudt lys og andre kjekke uteaktivitetar knytt til denne dagen
- Vere vertar på naturmøteplassen i Vardely
- Sykkeltur til Sandsøya - om nokon ikkje har sykkel ordna vi transport
- Tur til Eventyrstien i Gursken
- Turneringar
- VM-fest med ulike aktivitetar, leik og moro
- Strandaktivitetar
- Hobbyverkstad
Praktisk informasjon
Kontaktpersonar:
Sande frivilligsentral, Ann-Kristin Brekke Oksavik: 908 58 951
Sande kulturskule, Susann Worren Hauge: 916 43 676
Sande kyrkjelege fellesråd, Ingrid Brekke Ristesund: 926 64 808
Sommarcampen er gratis
Vi har vore heldige å fått TEFT-midlar frå Sparebanken Møre, som gjer det mogleg å servere mat under campveka.
Målgruppe:
Born og ungdom fødde 2016 eller før. Dei som er fødde 2013 eller før kan melde seg på som hjelparar/arrangør - ta kontakt med Susann, Ingrid eller Ann-Kristin.
Påmelding er bindande
Dette for at vi skal kunne planlegge dagane best mogleg, og for innkjøp av mat.
Klede
Deltakarane må ha klede etter veret og gjerne skifteklede med i ein liten sekk.
Mobilhotell
Vi kjem til å ha mobilhotell. De kan ta kontakt med arrangørane viss det er behov for å nå ein deltakar.
Bli med då vel!