Adobe Stock

Sjølv om lønsutgifter og renter framleis pressar kostnadssida, har kommunen hatt ei positiv utvikling på inntektssida. Skatteinngangen, refusjonar og finansinntekter er høgare enn budsjettert, noko som fører til betring av resultatet.

Ordføraren: – Utviklinga går i rett retning

Ordførar Dag Vaagen

Ordførar Dag Vaagen er nøgd med utviklinga frå 2024 til 2025, sjølv om han helst skulle vist til eit mindreforbruk. 

– Rekneskapen viser at det framleis er økonomiske utfordringar, men at utviklinga går i rett retning. Eg vil takke dei tilsette for ein solid innsats gjennom året. Dei har handtert krevjande prioriteringar og vore sentrale i arbeidet med å betre driftsresultatet, seier Vaagen.

Kommunedirektøren: – Tiltaka har effekt

Kommunedirektør Renathe Rossi Aglen Silje S. Mork

Kommunedirektøren på si side viser til at dei politiske vedtaka siste året har vore naudsynte for å styrkje økonomistyringa og redusere meirforbruket. 

-Det er behov for vidare innstramming og langsiktig arbeid, men 2025-resultatet viser at dei grepa som er tekne har effekt, seier Rossi Aglen.