Lokalisering
Planområdet ligg ved Leina, sør for Sandshamna på Sandsøya i Sande kommune.
Mål med planarbeidet
Målet med planarbeidet er:
• Å leggje til rette for nye bustadtomter med tilhøyrande funksjonar.
• Sikre tilstrekkeleg areal for kommunal veg/tekniske anlegg.
• Vidareføre frådelte nautstomter.
PDF-Filer:
DP Bustadområde Leina - plangrense_flyfoto_2025.06.04.pdf (PDF, 2 MB)
DP Bustadområde Leina - plangrense_gråtone_2025.06.04.pdf (PDF, 2 MB)
DP Bustadområde Leina - plangrense_kart_2025.06.04.pdf (PDF, 2 MB)
DP Bustadområde Leina - plangrense_komplan_2025.06.04.pdf (PDF, 5 MB)
DP Bustadområde Leina - plangrense_regplan_2025.06.04.pdf (PDF, 2 MB)
Planområdet
Planområdet består av eigedomane (del av) gbnr. 73/13,22, 104, 124, 125, 126, 127. Avgrensinga av planområdet kan bli endra før planen blir lagt ut til offentleg ettersyn.
Planstatus
Overordna plan
I arealdelen for Sande kommune har planområdet formål bustad, fritidsbustad og friområde.
Regulering
Planområdet aust for fylkesveg 5860 er regulert til friområde, fritidshus, rorbuer og naust. Dette området ynskjer ein regulere om.
Dispensasjon/vedtak
Det er ikkje gjeve dispensasjonar/vedtak som påverkar planarbeidet.
Konsekvensutgreiing (KU)
Etter § 6b skal reguleringsplanar alltid KU-vurderast etter tiltak i vedlegg I. Planområdet er delvis i samsvar med overordna plan. Areal som ikkje er sett av til utbyggingsformål er på om lag 7 daa, Rettleiar til forskrift om konsekvensutgreiing opnar for at areal under 15 daa som ikkje er i samsvar med overordna plan til bustad/fritidsbustad kan gjennomførast utan krav om konsekvensutgreiing. Det blir difor vurdert at det ikkje er krav om KU etter vedlegg I for denne planen.
Etter § 8 skal planar KU-utgreiast dersom dei får vesentleg verknad for miljø og samfunn og tiltak i vedlegg II. Planlagde tiltak vert vurdert å ikkje gje vesentleg verknad for verken miljø eller samfunn.
Etter ei samla vurdering blir det vurdert at planarbeidet for Bustadfelt Leinatangen ikkje utløyser krav om konsekvensutgreiing eller planprogram.
Informasjon og medverknad
Det vil bli sendt varsel om oppstart til naboar og gjenbuarar, kunngjering i lokal avis og på nettet, i samsvar med pbl. § 12-8. For nærare informasjon ta kontakt med OSE, mob. 974 89 987 eller e-post plan@oseing.no.
Meir informasjon
Varslingsbrev og kart blir lagt ut på Sande kommune sine heimesider og på OSE sine heimesider under kunngjeringar.
Merknadar til oppstartsmeldinga
Merknadar som har verknad eller interesse for planarbeidet kan sendast til:
Du kan skrive ditt høyringssvar her. Merk med saksnr. 24/1281
Sande kommune på e-post postmottak@sande.kommune.no eller til adressa:
Sande kommune
Rønnebergplassen 17,
6084 Larsnes
Viktig å merke skrivet med «Detaljplan Bustad Leinatangen – Oppstart-Merknad»
Frist for merknadar vert sett til: 07.07.2025.