Offentleg høyring – forslag til forskrift om skulekrinsar i Sande kommune

Kommunestyret vedtok 12. mai 2026 ny organisering av oppvekst-strukturen i Sande kommune. Vedtaket inneber at Gursken skule og Larsnes skule vert slått saman til ein felles barneskule i Gursken frå januar 2027, og at ungdomsskule-trinna ved Kvamsøy skule vert flytta til ein felles ungdomsskule i Gursken frå same tidspunkt. Kommunestyret gav samstundes kommunedirektøren mynde til å utarbeide og sende forslag til ny forskrift om skulekrinsar på høyring.

Forslaget til forskrift skal erstatte gjeldande forskrift frå 2020 og fastset kva skular elevane i dei ulike delane av kommunen soknar til etter at den nye skulestrukturen vert innført.

Forslaget inneber mellom anna at:

Gursken skule vert nærskule for elevar på 1.–7. trinn frå Gjerdsvika, Haugsbygda, Gursken, Larsnes, Hallebygda og Skredestranda.
Kvamsøy oppvekstsenter vert nærskule for elevar på 1.–7. trinn frå Sandsøy, Voksa, Kvamsøy og Haugsholmen.
Den felles ungdomsskulen i Gursken vert nærskule for alle elevar i Sande kommune på 8.–10. trinn.

Forslaget til forskrift vert lagt ut på høyring i samsvar med forvaltningslova § 37. Alle interesserte kan kome med innspel til forslaget før endeleg forskrift vert vedteken av kommunestyret.

Kva står i den nye forskrifta?

Her finn du forslaget til NY forskrift om skulekrinsar i Sande kommune (PDF, 43 kB).

Her er gjeldande forskrift om skulestruktur i Sande kommune frå 2020 (PDF, 613 kB).

Høyringssvar og frist:

Merknadar til forskrifta må vere skriftleg og kan sendast til: Sande kommune, Rønnebergplassen 17, 6084 Larsnes

Merk skrivet med «Forskrift om skulekrinsar i Sande kommune »

Du kan også skrive ditt høyringssvar her. Merk med saksnr. 26/3652

Høyringsfrist: 30. september