Vedtak: 

1. Kommunestyret opprettheld vedtaket i sak K-81/26 om lokal forskrift for bruk av restlysforsterkande og termiske siktemiddel ved jakt på hjort.

2. Saka vert sendt til Statsforvaltaren i Møre og Romsdal for lovlegkontroll etter kommunelova kapittel 27.

3. Det vert ikkje fatta vedtak om utsett iverksetjing.

Vedtak: 

1. Kommunestyret vedtek planen for bruk av tilskotsmidlar gjennom Bufdir sitt kommunale førebyggingsprogram for barn og unge 2026–2028.
2. Kommunestyret sluttar seg til at tilskotsmidlane vert nytta til å etablere og vidareutvikle førebyggande og tverrfaglege tiltak for barn og unge i tråd med planen.
3. Kommunestyret legg til grunn at satsinga skal bidra til å styrkje psykisk helse, livsmeistring, inkludering, tidleg innsats og samordning av tenester for barn og unge.
4. Kommunedirektøren får fullmakt til å gjennomføre planen innanfor tildelte tilskotsmidlar og gjeldande regelverk.
5. Planen vert publisert på kommunen sine nettsider i samsvar med krav fastsett av Bufdir.

Vedtak: 

Kommunestyret vedtek å vidareføre hovudlinjene i gjeldande kommunedelplan for idrett og fysisk aktivitet for Sande kommune.

 Kommunestyret vedtek følgjande handlingsplan for ordinære anlegg: 

Kommunestyret sender saka tilbake til administrasjonen for å utarbeide nytt forslag med endringane framkome i kst-møte 27.10.2026. Saka skal først leggast fram for Formannskapet.

Vedtak: 

Sande kommune inngår tenestekjøp når det gjeld brannførebygging, slik det går fram av vedlagt avtale datert 07.09.2026.

Vedtak:

Kommunestyret vedtek alternativ nr 1 som konsept for ny brannstasjon i Sande kommune.

Vedtak: 

1. Sande kommunestyre vedtek forskrift om skulekrinsar i Sande kommune slik den ligg ved saka.

2. Forskrifta tek til å gjelde 1. januar 2027.

3. Gjeldande forskrift om skulestruktur og skulekrinsar i Sande kommune blir oppheva frå same tidspunkt som den nye forskrifta tek til å gjelde.

4. Kommunedirektøren får fullmakt til å gjere nødvendige redaksjonelle og lovtekniske justeringar før kunngjering, så lenge justeringane ikkje endrar det materielle innhaldet i forskrifta.

Vedtak: 

1. Sande kommunestyre godkjenner tertialrapporten for 2. tertial 2026.
2. Sande kommunestyre godkjenner foreslått budsjettrevisjon slik det går fram av tertialrapporten.
3. Investeringsbudsjettet vert justert i samsvar med tabell “Status investeringsprosjekt” og “Status §5-5 første ledd” som ligg i rapporten.

Vedtak: 

Kommunestyret tek notatet «Evaluering av ordninga med redusert kommunal formuesskatt» til orientering, og vil vurdere det i samband med budsjettarbeidet.

Vedtak: 

1.    Kommunestyret tek kunnskapsgrunnlaget gjeldande kommunestruktur for kommunane Herøy, Sande og Ulstein til vitande. 

2.    Kommunestyret vedtek å gå vidare i prosessen med å vurdere ei mogleg samanslåing av kommunane Herøy, Sande og Ulstein. Innhaldet i neste fase (fase 2) skal vere i samsvar med det som er skissert i saksframlegget. Hovudfokus skal vere: 
o    Kommunikasjonsarbeid med formidling av hovudfunn frå  utgreiing og høyringar.
o    Koordinerte politiske møte mellom kommunane.
o    Innbyggjarmedverknad gjennom strukturert innbyggjarhøyring og opne møte.
o    Medarbeidarmedverknad gjennom medarbeidarhøyring og involvering av tillitsvalde.
o    Vurdering av behov for eventuelle tilleggsutgreiingar. 

3.    Tverrkommunal politisk styringsgruppe får mandat til å samordne prosessen vidare i fase 2 mellom dei tre kommunane. 

4.    Kommunestyret sluttar seg til ein tentativ framdriftsplan i fire fasar. Det vil vere politiske avgjerdspunkt ved utgangen av kvar fase, der kommunestyra i dei tre kommunane vedtek om dei vil gå vidare til neste fase. 
o    Fase 1: Utgreiing. Ferdig oktober 2026.
o    Fase 2: Analyse og medverknad. November 2026 – februar 2027
o    Fase 3: Forhandling av intensjonsavtale. Mars 2027.
o    Fase 4: Folkerøysting, innbyggarmedverknad og endeleg politisk handsaming. April – juni 2027.

5.    Kommunedirektøren får mynde til å iverksette eventuelle tilleggsutgreiingar i samråd med tverrkommunal politisk styringsgruppe.