Vedtak: 

Sande kommune sender innspel til Debatthefte 2025 Tid for taktskifte

Vedtak: 

Som medlem til styret i Sunnmøre friluftsråd for perioden 1.1.2026 - 31.12.2028 vert Sindre Slettestøl vald.
Som varamedlem til styret i Sunnmøre friluftsråd for perioden 1.1.2026 - 31.12.2028 vert Marthe Longva Strandbakken vald.

Vedtak:

Anne-Marte Skarmyr Beitveit får etter Domstollova § 74 fritak frå verv som medlem av felles forliksråd for Herøy, Sande og Vanylven. 

Som nytt medlem av felles forliksråd for Herøy, Sande og Vanylven vert Margrete Kvamme vald.

Vedtak:

Sande kommune tek gjennom denne saka initiativet til eit felles beredskapsråd for kommunane Hareid, Ulstein, Herøy, og Sande.

Vedtak:

1. Kommunestyret evaluerer budsjettprosessen i 2025, for budsjett og økonomiplan 2026-2029 
2. Kommunestyret vedtek vedlagte årshjul for budsjettprosessen i 2026, for budsjett og økonomiplan 2027 -2030

Vedtak:

Sande kommunestyre vedtak å ta i mot gåva som ny brannbil på Kvamsøy for betre brannvern i kommunen. 
Sande kommunestyre viser til skriv dat 06.02.2026 frå Beitveit AS og ber om at det vert fylt opp. 

Vedtak:

1. Sande kommune vedtek å busette 5 flyktningar i 2026. 
2. Kommunedirektøren får fullmakt til å inngå avtale med IMDi og iverksette nødvendige tiltak for busetting og integrering.
3. Kostnader vert dekka gjennom statlege tilskot til busetting og integrering av flyktningar.

Vedtak: 

Sande kommune vedtek med dette «Forskrift om tildeling av langtidsopphald i sjukeheim eller tilsvarande bustad særskilt tilrettelagt for heildøgnstenester – kriterium og venteliste»
slik ho ligg føre.

1. Forskrifta trer i kraft frå kunngjeringsdato
2. Forskrifta vert kunngjort i samsvar med forvaltningslova § 38

Vedtak: 

Kommunestyret vedtek «Retningsliner for tildeling av kommunale omsorgsbustadar og kommunale gjennomgangsbustadar i Sande kommune» slik dei går fram av saka.

Retningslinene gjeld frå vedtaksdato.

Vedtak: 

"Temaplan avløp Sande kommune” vert godkjent i samsvar med plan og bygningslova §11-15, med dei endringane som ligg føre i merknadshandsaminga etter høyring.

Teknisk sektor får i oppdrag å gjennomføre eit samarbeid med grunneigarane på Ytre Hauge for å rette opp i problema der. 

Saka vart utsett til neste møte

Vedtak: 

1. Sande kommune sine eigedomsskattevedtekter vert godkjende slik dei fyl denne saka.

2. Sande kommune vedtek å oppnevne sakkunnig nemnd for eigedomsskatt. Synfaring og taksering vert utført av eit profesjonelt takseringsselskap. Valutvalet skal kome med tilråding til medlemmar.

3. Sande kommune vedtek å oppnevne ei klagenemnd for eigedomsskatt. Valutvalet skal kome med tilråding til medlemmar.

4. Det vert gitt fritak for eigedomsskatt i 2026 etter eigedomsskattelova § 7 bokstav a, for eigedomar eigd av stiftingar eller frivillige lag og organisasjonar som driv almennyttig arbeid i kommunen. Administrasjonen vil utarbeide fritaksliste som vil bli lagt fram i eiga sak seinare.

5. Det vert gitt fritak for eigedomsskatt i 2026 etter eigedomsskattelova § 7 bokstav b, for bygning som har historisk verdi. Administrasjonen vil utarbeide fritaksliste som vil bli lagt fram i eiga sak seinare.

6. Det vert gitt fritak for eigedomsskatt i 2026 etter eigedomsskattelova § 7 bokstav c, for nyoppførte bustadar inntil formuesgrunnlaget frå Skatteetaten føreligg. Fritaket gjeld i inntil 2 år etter oppføring.