1. Sande kommune vedtek å endre Samarbeidsavtalen mellom kommunen og Helse Møre og Romsdal HF, punkt 5.2.1 a), med slik ny ordlyd:

Kvar av partane peiker ut 4 representantar kvar. Representantane skal vere frå dei to øvste nivåa i Helse Møre og Romsdal HF og kommunane, for tida administrerande direktør, klinikksjef, fagdirektør, kommunedirektør og kommunalsjef. Begge partar peiker ut 2 faste vararepresentantar som møter ved forfall.

2. Verknadsdato for endra samarbeidsavtale vert 1. oktober 2026.

3. Kommunestyret gjev kommunedirektøren mynde til å samarbeide med dei andre kommunane i Møre og Romsdal om utveljing av nye kommunale representantar til Strategisk samarbeidsutval. Ved val av nye representantar skal det sikrast at kvar region i fylket vert representert, og at kommunane på søre Sunnmøre får ein representasjon som speglar dei særskilde utfordringane i regionen. Val av nye representantar skal vere gjennomført før verknadsdato 1. oktober 2026.

Sande kommune sluttar seg til avtalen om etablering av interkommunalt samarbeid om økonomiforvaltning mellom kommunane Herøy, Sande og Ulstein. Samarbeidet skal organiserast som eit vertskommunesamarbeid etter kommunelova §20. Ulstein er vertskommune for samarbeidet. Kommunedirektør signerer avtalen.

Iverksetting av avtalen føreset at avtalen er godkjent av alle dei tre samarbeidskommunane. 

Det skal leggast fram sak kommunestyret om harmoniserte regelverk og delegering av mynde hausten 2026. 

1. Sande kommunestyre godkjenner tertialrapporten for 1. tertial 2026.
2. Sande kommunestyre godkjenner foreslått budsjettrevisjon slik det går fram av tertialrapporten.
3. Investeringsbudsjettet vert justert i samsvar med tabell “Status investeringsprosjekt” og “Status §5-5 første ledd” som ligg i rapporten.
4. Rebudsjettering mellom år 2025 og 2026 vert godkjent i samsvar med oppsett kapittel for rebudsjettering 2025 til 2026.
5. Sande kommunestyre ber kommunedirektøren arbeide med å finne tiltak som kan auke inntektene, og/eller redusere utgiftene i kommunen. Slike tiltak skal leggast fram som eigne politiske saker for vurdering og prioritering.

1. Kommunestyret sluttar seg til kommunedirektøren sine forslag til nye tiltak for innsparing i perioden 2026-2029

       2. Dei aktuelle tiltaka vert innarbeidd i budsjettet for 2026 og økonomiplanen 2027-2030

Kommunestyret vedtek framlegget over eigedomar som får fritak for eigedomsskatt etter eigedomsskattelova § 7a og b for skatteåret 2026 som vist i vedlegg B.

• Matpause på dagtid: Sande kommune innfører ubetalt matpause (30 minutt) for alle tilsette som arbeider ordinær dagtid, der vilkåra for betalt pause etter AML/HTA ikkje er oppfylte (dvs. når arbeidstakar fritt kan forlate arbeidsplassen og det finst tilfredsstillande pauserom).
• Kveld/natt/helg: Det blir vidareført betalt matpause (20 min) i arbeid på kveld, natt og helg, der bemanninga er lågare og det etter praksis i regionen ikkje ligg til rette for reell fråvære frå arbeidet under pausen.
• Sikringsbestemmelsen (HTA 4.2.1): Tilsette omfatta av sikringsbestemmelsen i kontoradministrasjonen held fram med gjeldande ordning. Eventuelle framtidige endringar kan berre skje ved lokal semje om overgang mot økonomisk kompensasjon (kollektivt utkjøp). Kommunen har p.t ikkje midlar til slikt utkjøp.
• Reglement og retningslinjer: Kommunedirektøren  vil i samarbeid med arbeidstakarorganisasjonane fastsetje reviderte retningslinjer for pause basert på drøftingane med organisasjonane og ROS analysane frå einingane. 
   

Iverksetjing og medverknad: Ordninga blir sett i verk frå 01.08.2026 for alle tilsette på dagtid. For tilsette i turnus skal endringa innførast når det er hensiktsmessig med endring av turnus.  
 

Evaluering: Det blir gjennomført effekt  og arbeidsmiljøevaluering før 2028.

Kommunestyret tek sluttrapporten for Sandetun omsorgssenter til vitande.

Prosjektet vert rekneskapsmessig avslutta i tråd med investeringsreglementet.

Sande kommunestyre vedtek å innføre farvassforskrift med verknad frå 1. juli 2026, slik den ligg føre.

1. Sande kommunestyre vel å arbeide vidare med alternativ 3.
2. Det valte alternativet vert prioritert og lagt inn i økonomiplan for perioden 2027-2030

Sande kommune takkar nei til vere med på eit vertsmodellsamarbeid om avløp denne gongen. 

Forslaget til vertssamarbeid treff i liten grad Sande sine behov. Samstundes er kommunen inne i ei utgreiing om mogleg kommunesamanslåing med Herøy og Ulstein. Kommunedirektøren tilrår difor å vente med å gå inn i eit vertsamarbeid med å etablere felles gebyrsystem, og heller vurdere å slutte seg til samarbeidet på eit seinare tidspunkt når andre overordna prosessar er meir avklart.

Sande kommunestyre vurderer Sandsøya som typisk turiststad jf Lov om heilagdagar og helgedagsfred.

Sande kommunestyre vedtek å søke Sandsøya som typisk turiststad jf Lov om heilagdagar og helgedagsfred til Statsforvaltaren i Møre og Romsdal.

Behandling av saka vart utsett til hausten .

Kommunestyret opprettheld vedtaket i K- sak 48/26 om framtidig organisering av oppvekstsektoren. 

Saka vert sendt til Statsforvaltaren i Møre og Romsdal for lovlegkontroll og endeleg vurdering etter kommunelova kapittel 27. 

Det vert ikkje fatta vedtak om utsett iverksetjing.