Vedtak: 

Kommunestyret vedtek at kommunalt fellesråd får endra namnet på rådet til rådet for eldre og personar med funksjonsvariasjonar.

Vedtak: 

Sande kommunestyre gir dispensasjon frå reglane i Alkoholpolitisk handlingsplan for 2024 - 2028, og vedtek mellombels endra maksimaltid for skjenking av alkoholhaldig drikk inntil kl 06.00, med tilsvarande opningstider, i heile perioda fotball-VM for herrar 2026 varer, 11. juni til 19. juli 2026. Dispensasjonen gjeld for alle dagar det vert sendt fotballkampar frå VM. 1. Endra maksimaltid gjeld berre for skjenking av alkoholhaldig drikk i gruppe 1 og 2. 2. Endra maksimaltid gjeld berre for skjenkestadar som viser direktesende kampar i fotball-VM 2026 innandørs for staden sine gjestar. 3. Endra maksimaltid er ikkje generell for alle skjenkestadane i kommunen, og skjenkestadar som ønskjer endra maksimaltid og opningstid må søke om dette. Kommunedirektøren vert gitt mynde til å avgjere desse søknadane. Heimel: Alkohollova § 4-4 nytt niande ledd, og kommunen sin alkoholpolitiske handlingsplan.

Vedtak: 

Sande kommunestyre gjev Rem-Servering AS, org.nr 935 010 454, serveringsløyve for kantinedrift på gnr 18 bnr 75, Myklebust 259 i Gursken. 

Styrar og løyvehavar er Sebastian Moltu, f. 12.06.1992 

Opningstid er godkjent kl 07.30 - 16.00.

Vedtak:

1. Skulestruktur
• Gursken skule (1.-7. trinn) Larsnes skule (1.-7. trinn) vert slått saman til ny felles barneskule i Gursken, frå og med januar 2027.
• Kvamsøy skule (8.-10. trinn) blir flytta til ny felles ungdomsskule i Gursken (8.-10 trinn), frå og med januar 2027.
• Kvamsøy skule (1.-7. trinn) held fram i noverande lokale, men blir organisert under felles leiing og administrasjon med ny samanslått skule i Gursken.

2. Barnehagestruktur
Barnehagestrukturen vert uendra, men kommunedirektøren vil innanfor arbeidsgivar sin
styringsrett vurdere ny administrativ organisering av tenesta.

3. Kulturutvikling
• Kulturskulen blir flytta til Larsnes skule. Lokala i Gursken kan framleis nyttast til musikk- og aktivitetsrom for SFO.
• Kommunen skal, i samarbeid med frivilligsentralen, lag og organisasjonar og flyktningtenesta, vurdere om tidlegare Larsnes skule kan utviklast til ein aktivitetsbase for kultur, ungdom, frivilligheit og idrett.
• Ei eventuell flytting av biblioteket blir utsett, i påvente av ei breiare vurdering av framtidsretta biblioteksdrift, inkludert:
 -interkommunalt samarbeid
- «Meiråpent»-løysing med beteningsfri opningstid
- framtidig lokalisering

4. Budsjett og økonomiplan legg til grunn ei innsparing på 2,5 millionar kroner knytt til oppvekststrukturen i 2026. Ei utsetjing av endringane til januar 2027 inneber at
innsparingskravet må realiserast i skulen gjennom redusert bemanning frå hausten 2026.

5. Kommunedirektøren får mynde til å legge korrigert forskrift om skulekrinsgrenser på
høyring, i tråd med kommunestyret sitt vedtak.

6. Når Gursken oppvekstsenter skal byggast ut som framtidig 1-10-skule for heile Sande, inneber
dette gode og nødvendige investeringar - og prioriteringar av drift og vedlikehald - for å betre
standarden på skulebygga i eit langtidsperspektiv; jf saksutgreiinga, synfaringa og rapporten frå
Telemarksforsking.

7. I utbyggingsfasen må ein sikre arbeidstilhøva både for elevane og dei tilsette - slik at
utbygginga ikkje går ut over arbeids- og læringsmiljøet.

Vedtak:

1. Sande kommune startar bygginga av eit nytt reservevassanlegg for Gjerdsvika
vassbehandlingsanlegg. Alternativ A – pumpeanlegg i Sædalsvatnet – er valt som
vassløysing.
2. Prosjektet har ein kostnad på 4,4 millionar kroner og skal finansierast gjennom
investeringsprosjektet Oppgradering av vassleidningsnettet (vassplanen) i 2026 og 2027.
Finansieringa skjer innanfor sjølvkostområdet vatn i Sande kommune.

Vedtak

1. Sande kommune startar opp og ferdigstiller prosjekt Larsnes fiskerikai i 2026.
2. Prosjektet skal finansierast innanfor avsett ramme i godkjent investeringsbudsjett for 2026, prosjekt “Kai og brygge Liv”, og slik det elles går fram av saksutgreiinga knytt til
rebudsjettering.
3. Dersom prosjektet overstiger tota kostnader på kroner 13,5 millioner, så stopper prosjektet.

Vedtak: 

Sande kommunestyre ber om at fylkeskommunen utgreiar mulegheitene for to ferjer i rute 1066 med oppstart i 2027.

Vedtak:

1. Kommunestyret godkjenner årsrekneskap 2025 slik det ligg føre. 

2. Kommunestyret godkjenner årsrapport 2025 slik den ligg føre. 

3. Tiltaksliste for inndekking av meirforbruket vert lagt fram og handsama i junimøte.

Vedtak:

1. Sande kommunestyre vedtek å ta i bruk den nasjonale rettleiaren «Prioriteringar i kommunale helse- og omsorgstenester» (Helsedirektoratet, april 2025) som grunnlag for prioriteringsarbeidet i kommunen sine helse- og omsorgstenester.

 2. Kommunedirektøren får i oppdrag å innarbeide dei tre prioriteringskriteria – nytte, ressurs og alvorlegheit – i sakshandsaming, vedtaksarbeid og plan- og budsjettprosessar i helse- og omsorgstenesta, og legg fram ei statusorientering om implementeringsarbeidet i samband med budsjetthandsaminga for 2027.

Vedtak:

Kommunestyret vedtek tenesteskildring for helse- og omsorgstenestene i Sande kommune, datert 2025. Tenesteskildringa gjeld frå vedtaksdato og vert revidert ved behov, minimum kvart andre år. Revisjonsansvaret ligg hos kommunalsjef for helse og omsorg.