Karin Sivertstøl Silje S. Mork /Sande kommune

Karin er oppvaksen på Larsnes og som barn budde ho mellom anna i ei leilegheit på rådhuset, der foreldra dreiv kaféen.

Ho tok ingeniørutdanning innan bygg og anlegg ved Møre og Romsdal ingeniørhøgskule i Ålesund. Utdanninga gjev ho både teknisk innsikt og god forståing for regelverket. Etter studiane har Karin jobba med plan- og bygningslova i offentleg forvaltning. Ho har handsama søknader og følgt opp tilsynsverksemd for ulike kommunar.

Karin budde og arbeidde i Oslo i 30 år, men flytta heim til Sunnmøre i 2018.

I rolla si i Sande kommune skal ho handsame byggesøknader, gje råd til utbyggjarar og huseigarar, gjennomføre tilsyn, og samarbeide med andre etatar. Vi ønsker Karin velkomen til Sande.