Forskrifta lyder slik:

"Forskrift om opning for bruk av restlysforsterkande og termiske siktemiddel ved jakt på hjort i Sande kommune, Møre og Romsdal

§ 1 Opning for bruk av restlysforsterkande og termiske siktemiddel til hjortejakt i Sande kommune

Det er opna for bruk av restlysforsterkande og termiske siktemiddel ved ordinær jakt etter hjort i ope terreng, i Sande kommune. Ved ettersøk av påskoten hjort kan restlysforsterkande og termiske siktemiddel også nyttast utanfor ope terreng.

§ 2 Rapporteringsplikt for bruk av restlysforsterkande og termiske siktemiddel

Jegerar skal rapportere bruken av restlysforsterkande og termiske siktemiddel i Hjorteviltregisteret.

§ 3 Verknadsdato

Forskrifta vert sett i kraft med det same."

Du kan lese meir i sakspapira her.

Høyringssvar og frist:

Merknadar til forskrifta må vere skriftleg og kan sendast til: Sande kommune, Rønnebergplassen 17, 6084 Larsnes 

Merk skrivet med «Forskrift om opning for bruk av restlysforsterkande og termiske siktemiddel ved jakt på hjort i Sande kommune »

Du kan også skrive ditt høyringssvar her. Merk med saksnr. 26/3619

Høyringsfrist 1. september