6. og 7. klasse ved Gursken skule Silje S. Mork

Kombinasjonen av å bidra til å hjelpe funksjonsnedsette frå land i krig eller fattigdom og samtidig vere aktive saman med eit felles mål. Skuleløpa på Larsnes og i Gursken var prega av god innsats frå deltakarane. Lærarane talde runder og var engasjerte og motiverte elevane som deltok. Elevane støtta også kvarandre, og fleire større elevar motiverte og hjelpte dei mindre elevane under på løpet.

Silje S. Mork

 Ved Gursken oppvekstsenter engasjerte rektor seg også ved å delta i løpet som varte ein time. Under, i intervjuet med henne, får vi eit innblikk i arbeidet i forkant av løpet ved Gursken oppvekstsenter, mellom anna tema som var lagt vekt på og engasjementet til elevane.

Kvifor valde de å delta i TV-aksjonen i år?

Vi har hatt tradisjon for å delta i TV-aksjonen kvart år. Det er noko vi synest er positivt då vi kan bidra til andre og samtidig vere i aktivitet.

Korleis har de førebudd elevane på kva TV-aksjonen handlar om?

Vi har tema som handlar om omsorg, respekt og ansvar i PALS, og i tillegg har vi desse tema i  faga elles også.  Vi har brukt eit undervisningsopplegg som er utarbeidd for TV-aksjonen. Dette undervisningsopplegget tek utgangspunkt i korleis menneske med funksjonsnedsetjing opplever kvardagen.

Kva betyr det for dykk å kunne bidra til formålet i år; å støtte funksjonshemma i krig og fattigdom?

 Solbjørg Ose tenkjer at det er ei sårbar gruppe som ikkje har så mange som stiller opp for dei. Det er ein vanskeleg situasjon så å kunne hjelpe for oss som har det bra i andre land, det er både godt og viktig.

Kva håpar de elevane sit igjen med etter denne dagen?

Det er noko vi gjer i fellesskap og vi har eit felles mål; elevane gjer noko i lag og er aktive gjennom løpet ogi prosessen både før og etter løpet. Det at elevane ser at dei kan bidra til å hjelpe andre ved å samle inn litt pengar er viktig. Dei kan også følgje med på TV og kan både bli engasjert sjølve og engasjere andre også.

Rektor ved Larsnes oppvekstsenter, Camilla Auflem Vik, er og svært engasjert, noko ho gav uttrykk for i praten som vi hadde. Nedanfor delar ho tankane sine rundt skuleløpa og TV-aksjonen.

Camilla tenkjer

-at det med skuleløp er ei fin tradisjon for det handlar om å vise elevane at ikkje alle har det slik som dei og det å gjere ein innsats for andre og hjelpe andre er ein svært viktig del av å vekse opp i dag. Borna som går på skule her i dag, har det utruleg mykje betre enn born i mange andre land. Derfor er det viktig å støtte denne aksjonen.

Auflem Vik legg vidare til

- at det er spennande at TV-aksjonen er til forskjellige organisasjonar kvart år for då blir vi kjende med dei organisasjonane og ho understrekar at ho sjølv også lærer mykje av det arbeidet vi har kring TV-aksjonen. Vi legg til rette for at alle skal få delta, og det ho synest er finast at dei store tek ansvar for dei små og at dei heiar på kvarandre. Det er også slik at det ope for å gå og viss nokon hadde hatt rullestol så hadde vi lagt til rette for det, og kort sagt for at alle skal få oppleve meistring.

Camilla understrekar

- at det har vore god respons, elevane kjem heim i dag med lappar med  rundene sine på. Det er opptil støttespelarane å støtte med det dei vil. Ho føyer til at ho synest det er svært fint å ha det på Spleis slik at det blir anonymt. Det er ikkje slik at alle kan gje like mykje, men ved å ha det på Spleis så er det ingen som veit. Så må vi berre yte det vi kan og viss alle støttar litt så blir det ganske mykje til saman. 

Skuleløp ved Kvamsøy oppvekstsenter

Kvamsøy oppvekstsenter har også samla inn til TV-aksjonen ved å gjennomføre løp - dette har vore eit samarbeid mellom barnehagen og skulen på Kvamsøya. Barna har funne seg sponsorar som har sponsa dei med valfri sum per runde.  

Barna sprang mange runder, og viste god innsats for å tjene inn til årets TV-aksjon. Dei samarbeida om å lukkast på tvers av aldersgrupper og det vart ei fin økt for oppvekstsenteret. 

Rektor meiner at det var fint å få til samarbeid mellom barnehage og skule, og små og store gjorde ei god innsats. Det er kjekt å sjå at barna engasjerer seg.

Under finn du Spleis i regi av Gursken oppvekstsenter, Larsnes oppvekstsenter og Kvamsøy oppvekstsenter  til TV-aksjonen 2025.

Spleis - Gursken oppvekstsenter

Spleis - Larsnes oppvekstsenter

Spleis - Kvamsøy oppvekstsenter