Innsynsrett

Alle innbyggarar, næringsdrivande og media kan be om innsyn i kommunen sine offentlege informasjon. Innsynrett er ein rett til å sjå offentlege dokument og all offentleg informasjon som er lagra. Du kan spørje om kva opplysningar dei har om deg, og korleis dei blir brukt.

Du har rett til å kreve innsyn i offentlege dokument, postlister, journaler og alle slags register, ifølge offentleglova.

Det finns reglar som begrenser denne retten, men alle saksdokument skal i utgangspunktet vere opne for innsyn.

Sjølv om eit dokument er unnateke frå offentlegheita skal kommunen vurdere om dokumentet likevel kan opnast opp heilt eller delvis.

Eit dokument er ikkje berre papirbasert informasjon, men i prinsippet all informasjon som er lagra. Du har likevel berre innsyn i databaser, dersom informasjonen kan søkast opp på ein enkel måte.

Du kan be om innsyn ved å trykke på bestill-knappen ved dokumentet  du ønsker å bestille.

Har du andre spørsmål om innsyn, ta kontakt på e-post: postmottak@sande.kommune.no

Dersom kravet ditt blir avslått, skal kommunen forklare kvifor du har fått avslag ved å vise til den bestemmelsen som er grunnlaget for avslaget. Kommunen skal også opplyse om korleis du klagar på avslaget og kor lang frist du har på å sende inn klage.

Statsforvaltaren er klageinstans, men du sender klagen til kommunen. Du har også klagerett dersom du ikkje har fått svar innen fem arbeidsdager etter at kommunen har mottatt kravet. Dette blir då rekna som eit avslag.

Klagen skal behandlast så snart som mogeleg. I tilknytning til klagebehandlinga kan Statsforvaltaren også bestemme at dokumentet skal gjerast kjent heilt eller delvis etter regelen om meirinnsyn.

• Les lov om arkiv (arkivlova) på lovdata.no
• Les lov om rett til innsyn i dokument i offentlig virksomhet (offentleglova) på lovdata.no
• Les lov om behandling av personopplysninger (personopplysningsloven) på lovdata.no
• Les om rett til innsyn på datatilsynet.no