Sande kommune buset flyktningar etter avtale med Integrerings- og mangfoldsdirektoratet (IMDi). Kommunestyret vedtek kor mange flyktningar som skal busettast i kommunen, etter oppmoding frå IMDi. 

Flyktningtenesta står ansvarlege for busetting av flyktningar som kommunen vert tildelt av IMDi. Etter busettinga sørger flyktningtenesta for oppfølging av flyktningane, med mål om at dei skal verte aktive deltakarar i lokalsamfunnet i Sande.

Introduksjonsprogrammet er eit opplæringstilbod til nykomne flyktningar som er busett i Sande kommune etter avtale med Integrerings- og mangfaldsdirektoratet (IMDi). Familiesameinte til flyktningar kan også delta. Målsettinga er at du skal bli økonomisk sjølvstendig gjennom utdanning og/eller jobb etter to år. Mykje av opplæringa vert gjort av Ulstein kompetansesenter. 

Føresetnad for å delta er:

• du har behov for grunnleggjande kvalifisering
• du er i alderen 18 til 55 år
• du har budd i landet under 2 år
• du har fått asyl (utlendingsloven § 28), er overføringsflyktning (utlendingsloven § 35), har fornybar opphaldsløyve (utlendingsloven § 38 og § 53) eller har fått opphald som familiemedlem til personar som nemnt her. 
• lista er ikkje uttømmande. Her er meir info om kven som har rett og plikt til å delta i introduksjonsprogrammet. 

Korleis starte introduksjonsprogrammet?

Flyktningar som busettast i Sande kommune etter avtale med IMDi, vil få innkalling til samtale av programrådgjevar ved flyktningtenesta. Personar som kjem ved familieinnvandring må sjølv søke seg inn i programmet.

Kva er introduksjonsprogrammet?

Formålet med introduksjonsprogrammet er å styrke nykomne innvandrarars moglegheit for deltaking i yrkes- og samfunnslivet, og deira økonomiske sjølvstende.

Introduksjonsprogrammet skal leggast til rette for personar som har behov for grunnleggande kvalifisering. Introduksjonsprogrammet tar sikte på å:

• gi grunnleggande ferdigheiter i norsk
• gi grunnleggande innsikt i norsk samfunnsfag
• førebu til deltaking i yrkeslivet

Programmet skal vere heilårig og på fulltid. Programmet skal minst innehalde:

• norskopplæring
• samfunnskunnskap
• arbeids- eller utdanningsretta tiltak.

Som deltakar  i introduksjonsprogrammet får du introduksjonsstønad. På årsbasis utgjer dette to gongar grunnbeløpet i folketrygda. Personar under 25 år mottar 2/3 stønad. 

Krav til deltaking

For å kunne motta introduksjonsstønad må ein delta aktivt i introduksjonsprogrammet. Introduksjonsprogrammet følgjer arbeidslivets reglar for frammøte, og ikkje gyldig fråver fører til trekk i stønad.

Kontaktperson/programrådgjevar

Kvar deltakar får ein kontaktperson/programrådgjevar ved Inkludering og mangfald i Ulstein (IMU). Kontaktpersonen blir kalla programrådgjevar og har oppfølgingsansvar i heile programperioden.

Fleire kommuner blir kontakta av mange flyktningar som ønsker å flytte frå første busettingskommunen før det har gått 5 år.

Ein flyktning må dei første fem åra bu i kommunen vedkommande blei busett i, med mindre vedkommande får jobb i ein annan kommune -  og dermed kan forsørge og klare seg sjølv.

Ein flyktning reknast som primærflyktning dei første fem åra han eller ho bur i Noreg. Det er busettingskommunen som har ansvar for busetting, integrering og kvalifisering i desse 5 åra. Treng ein hjelp i forhold til tenester frå flyktningtenesta eller NAV er det busettingskommunen som skal yte slik hjelp. Dette med bakgrunn i at kommunen har gjort avtale med integrerings- og mangfaldsdirektoratet (IMDi) om busetting av flyktningar i den kommunen.

Kommunane fører ein streng politikk rundt busetting av flyktningar, og vil i dei aller fleste tilfella avvise flytting til anna kommune.

Derfor er det viktig at ein MÅ vere sikker på at ein klarer seg sjølv, er økonomisk sjølvstendig, kan skaffe seg eigen bustad, har midlar til depositum og innbu, før ein vel å flytte før det har gått 5 år.

Dersom ein flytter før det har gått 5 år, og har behov for hjelp frå flyktningtenesta eller NAV, må ein flytte tilbake til første busettingskommune for å ha rett til hjelp frå desse teneste ytarane.

Kommunene kan vurdere å akseptere flytting frå andre kommunar dersom vedkomande har ei sterk tilknyting til kommunen. Eksempel på dette kan vere dersom nær familie bur i kommunen. Nær familie betyr kjernefamilie som ektefelle, registrert partner og felles barn.

Busettingskommunen SKAL KONTAKTAST I GOD TID før ein flyttar til anna kommune. Dette gjeld både flytting før det har gått 5 år, og etter det har gått 5 år.

Ta kontakt med flyktningtenesta dersom ein ønsker meir utfyllande informasjon.