Berre salsstadar som er registrert i Tobakksalsregisteret kan lovleg selge tobakksvarer og/eller tobakkssurrogat.

Registreringa skjer via Altinn eller på https://tbr.helsedirektoratet.no/

Frist for registrering er seinast 14 dagar før salet startar, slik at kommunen kan planlegge og føre tilsyn.

Sande kommunestyre innførde i sak K-120/24 tilsynsavgift etter tobakkskadelova §7. Vedtaket lyder slik:

Sande kommunestyre vedtek å innføre tilsynsavgift frå registrerte salsstadar til dekning av kommunen sine kostnadar med tilsynsoppgåvene etter tobakksskadelova § 35 tredje ledd, jf. tobakksskadelova § 7.

Tilsynsavgifta skal fastsettast og regulerast i samsvar med satsane i forskrift om registrering- og bevillingsordning for tobakksvarer mv. § 33 jf.  tobakksskadelova § 7.

Frå 1.1. 2025 vert det innført maksimalsats for tilsynsavgift.

Faktura for tilsynsavgift vert utsendt til salsstadane i mars kvart år.