Omsorgsstønad

Omsorgsstønad

Omsorgsstønad er ei økonomisk godtgjersle til den som yter omsorg til nære pårørande eller andre. Stønaden er ei kompensasjon for meirarbeidet – ikkje betaling time for time. Kommunen kan tilby anna hjelp dersom det er ei betre løysing for brukaren.

Mål for tenesta 

Gjere det mogleg for pårørande å halde fram med omsorgsarbeidet, og bidra til best mogleg omsorg for den som treng hjelp.

Kostnad 

Omsorgsstønad er skattepliktig inntekt og gjev opptening av pensjonspoeng.

Vilkår for tildeling

Du har særleg tyngande omsorgsoppgåver over tid, til
dømes:

  • Oppgåvene er meir fysisk eller psykisk belastande enn normalt
  • Det dreier seg om eit stort tal timar per månad
  • Det er mykje nattarbeid eller avbrote nattesøvn
  • Det har ført til sosial isolasjon og mangel på ferie og
    fritid
  • Du har omsorg for meir enn éin person
  • Foreldrar med barn der omsorga klart overstig vanleg omsorgsarbeid for barn på same alder

Inntektstap er ikkje eit vilkår for tildeling av omsorgsstønad.

Praktiske opplysningar

Omfang og sats vert fastsett etter heilskapleg, individuell vurdering. Gjeldande satsar er tilgjengelege på
sande.kommune.no. Omsorgsstønaden vert sett i samanheng med eventuell hjelpestønad frå NAV – hjelpestønaden vert trekt frå omsorgsstønaden. Gjeldande satsar er tilgjengelege på sande.kommune.no.
Omsorgsstønaden vert sett i samanheng med eventuell hjelpestønad frå NAV – hjelpestønaden vert trekt frå omsorgsstønaden.

Forventningar: 

Til kommunen:

  • Omsorgsstønad tek slutt umiddelbart når omsorgsbehovet fell bort
  • Kan midlertidig opphøyre ved innlegging i institusjon eller sjukehus
  • Du vert varsla skriftleg om endringar

Til deg: 

  • Søk om hjelpestønad frå NAV samstundes – denne vert
    trekt frå omsorgsstønaden
  • Informer kommunen dersom hjelpebehovet endrar seg

Slik søkjer du

Her finn du det elektroniske skjemaet.

Dersom du ikkje har høve til å søkje elektronisk , kan du ta kontakt med Sande kommune - tlf 70026700 så får du hjelp til å søkje på papir.

Søkjer du på vegne av andre skal eit fullmaktskjema ligge ved.

Her finn du døme på dette eller du kan lage ditt eige der du fyller inn dei opplysningane vi spør etter.

Etter at du har søkt, vil Eining for tenestekoordinering  ta kontakt med deg.

Når får du svar

Vi vil handsame søknaden din så fort som råd. Du får svar innan fire veker.

Lovgrunnlag

Helse- og omsorgstenestelova § 3-6.

Rett til klage

Lov om pasient- og brukerrettigheter §§ 7-2, 7-3, 7-5 og 7-7.

IPLOS registrering

Ja. IPLOS tenestetype 11: Omsorgsstønad.