Mål for tenesta 

Heimesjukepleia skal førebyggje, behandle og leggje til rette for meistring av sjukdom, skade og nedsett funksjonsevne – slik at du kan bu heime lengst mogleg. Kommunen er etter hol. § 4-1 forplikta til å yte nødvendig og fagleg forsvarleg hjelp. Tenesta kan ikkje avslåast på reint ressursmessig grunnlag dersom helsehjelpa er nødvendig og forsvarleg.

Kostnad 

Ingen eigenbetaling.  Merk: Alle som mottek helsetenester i heimen minst éin gong per veke i meir enn 3 månader, kan ha rett til gratis tannbehandling ved offentleg tannklinikk. Personar med rusproblem har eigne rettar til tannbehandling etter lov om tannhelsetenester – ta kontakt med tannhelsetenesta for nærare informasjon.

Vilkår for tildeling

• Du bur eller oppheld deg i kommunen og har behov for nødvendig helsehjelp
• Tenesta kan startast opp før vedtak ved akutt behov. Vedtak skal fattast innan 14 dagar ved varig behov
• Velferdsteknologiske løysingar skal alltid vurderast som alternativ eller supplement før tenesteyting
• Ved behov for medisinhandtering vert det vurdert om multidosepakking frå apotek kan dekkje behovet. Det vert også vurdert om privat mestringsteknologi som elektronisk medisindispenser eller relevante appar er tilstrekkeleg. Kommunal hjelp til medisinhandtering vert berre tildelt der slike alternativ er utilstrekkelege eller ikkje medisinsk forsvarlege

Praktiske opplysningar

Tenesta kan mellom anna inkludere:

• Hjelp til personleg hygiene og ernæring. Dusj vert gjennomført som hovudregel kvar fjortande dag
• Sårskifte, blodprøvar og injeksjonar
• Medisinhandtering – der apotekteneste med multidose er vurdert og ikkje er tilstrekkeleg
• Blodtrykksmåling og andre medisinske kontrollmålingar
• Hjelp til støttestrømper og høyreapparat
• Lindrande pleie ved livets slutt der det er mogleg
• Morgonstell skjer normalt mellom 08:00 og 11:30. Kveldsstell mellom 19:00 og 22:00.

Ikkje inkludert:

• Følgje til lege, tannlege eller korttidsopphald på sjukeheim
• Transport med bil
• Handling av matvarer
• Tenester som kan utførast på legesenteret når pasienten er mobil
• Tilsyn utan medisinsk grunngiving
• Henting av post, snømoking eller henting av søppeldunk

Forventningar: 

Til kommunen:

• Halde teieplikta
• Møte deg med respekt
• Utføre tenestene i tråd med vedtaket
• Gje deg tilbod om ny tid dersom hjelpa ikkje kan gjevast til avtalt tidspunkt 

Til deg: 

• Vere til stades når tenesteytar kjem
• Delta i den grad du greier sjølv
• Varsle heimetenesta i god tid dersom du ønskjer å avlyse eller byte dag
• Nytte nøkkelboks dersom du har vanskar med å opne døra sjølv

Slik søkjer du

Her finn du det elektroniske skjemaet.

Dersom du ikkje har høve til å søkje elektronisk , kan du ta kontakt med Sande kommune - tlf 70026700 så får du hjelp til å søkje på papir.

Søkjer du på vegne av andre skal eit fullmaktskjema ligge ved.

Her finn du døme på dette eller du kan lage ditt eige der du fyller inn dei opplysningane vi spør etter. (PDF, 380 kB)

Etter at du har søkt, vil Eining for tenestekoordinering  ta kontakt med deg.

Når får du svar

Vi vil handsame søknaden din så fort som råd. Du får svar innan fire veker.

Lovgrunnlag

 Helse- og omsorgstenstelova § 3-2 nr. 6 bokstav a.

Rett til klage

Lov om pasient- og brukerrettigheter § 7.

Alle enkeltvedtak kan klagast på. Klagefristen og korleis du klagar, finn du i enkeltvedtaket. Klagen skal vere skriftleg og kan leverast på følgjande måtar: via klageskjema på sande.kommune.no, ved å ta kontakt med einingsleiar for den aktuelle tenesta, eller ved å oppsøkje sørviskontoret for rettleiing. Kommunen tek ikkje i mot klagar på e-post.

Om vedtaket ikkje vert endra, vert klagen vidaresendt Statsforvaltaren i Møre og Romsdal for overprøving.

Klage på sjølve utføringa av tenestene eller på helsepersonell skal rettast til einingsleiar for tenesta.

IPLOS registrering

Ja. IPLOS tenestetype 15: Helsetenester i heimen.