Mål for tenesta
Fremje aktivitet, deltaking, sjølvstende og meistring. Setje søkjar i stand til å utvikle, gjenvinne eller oppretthalde funksjonsnivå.
Kostnad
Å få hjelp av ergoterapeut er gratis.
Vilkår for tildeling
Tenesta kan vere aktuell for søkjar som:
- Har behov for tilrettelegging ved oppstart i barnehage eller i overgang mellom barnehage og skule
- Har forseinka utvikling
- Har syn- eller høyrselvanskar
- Har somatiske, fysiske og/eller psykiske helseutfordringar som påverkar kommunikasjon og kognisjon
- Brått eller gradvis har fått utfordringar med kvardagsaktivitetar
- Har skade, sjukdom eller smerter som påverkar dagleglivet
- Har behov for tilrettelegging og/eller opptrening etter sjukehusopphald, rehabilitering eller korttidsopphald
Praktiske opplysningar
- Tenesta vert tildelt etter fagleg vurdering av alvorleiksgrad og tiltakets nytte.
- Kartlegging skjer der det er mest tenleg – heime, i nærmiljø, barnehage, skule eller arbeidsplass.
- Oppfølging kan bestå av: råd og rettleiing om trening/stimulering i praktiske gjeremål, trening i konkrete aktivitetar, opplæring av søkjar/pårørande/nærpersonar, bistand til søknad om tekniske hjelpemiddel, tilrettelegging av fysiske omgjevnadar.
- Tenesta vert gjeven på kvardagar på dagtid.
- Du kan sjølv ta direkte kontakt med tenesta utan tilvising.
Hjelpemiddel
Les meir om hjelpemiddel.
Forventningar:
Til kommunen:
Opptre respektfullt og justere tiltak fortløpande etter behov.
Til deg:
- Bidra aktivt til å formulere mål
- Delta aktivt ut frå eigne føresetnader
- Gje beskjed i god tid ved avlysing av timar
Slik søkjer du
Du kan ta kontakt direkte med ergoterapeut eller be om tilvisning vidare frå andre tenester.
Lovgrunnlag
Helse- og omsorgstenestelova § 3-2, andre ledd, samt § 3-3.
Rett til klage
Det kan ikkje klagast på tildeling av denne tenesta.