Habilitering og rehabilitering

Habilitering er tiltak og prosessar med mål om å utvikle og oppretthalde funksjons- og meistringsevne for størst mogleg grad av sjølvstende, deltaking og livskvalitet. Rehabilitering er tiltak og prosessar med mål om å gjenvinne eller oppretthalde funksjons- og meistringsevne som er tapt eller står i fare for å tapast, på grunn av sjukdom, skade eller inaktivitet. Begge er målretta samarbeidsprosessar mellom søkjar, pårørande og tenesteytarar.

Mål for tenesta

Bidra til at søkjar kan optimalisere og vedlikehalde funksjon, meistring og sjølvstende, og delta sosialt og i samfunnet – og hindre eller utsetje aukande hjelpebehov.

Kostnad

Ingen eigenbetaling fram til fylte 16 år. Frå 16 år er det eigenandel på behandling til frikortgrensa er nådd.

Vilkår for tildeling

Tenesta kan vere aktuell dersom søkjar:

Er i stand til å delta i å utforme mål og ta aktiv del i ein rehabiliteringsprosess
Har ønskje om å vere aktiv og klare seg sjølv i størst mogleg grad
Har eit rehabiliteringspotensiale og kan nyttiggjere seg oppfølging
Grunna erverva skade eller sjukdom har eit samansett rehabiliteringsbehov
Opplever gradvis redusert funksjonsnivå eller funksjonsfall
Har behov for opptrening i ferdigheiter etter sjukehusopphald, rehabiliteringsopphald eller korttidsopphald

Praktiske opplysningar

Tidsavgrensa teneste. Kan forlengast dersom heilskapleg fagleg vurdering tilseier at søkjar kan nå sine mål ved utvidar oppfølging.
Tenesta skal setjast i gang så tidleg som mogleg i rehabiliteringsprosessen – inkludert koordinering og oppstart av tiltak før utskriving til heimen.
Det vert utforma ein re-/habiliteringsplan med individuelle mål og aktuelle tiltak.
Tenesta kan gjevast på institutt, i heimen, i nærmiljø, i barnehage, på skule eller arbeidsplass.
Tenesta vert gjeven på kvardagar på dagtid.