Slik søkjer du
Teikn inn på kart i målestokk 1:500 eller 1:1000 slik du tenkjer at den nye tomta skal sjå ut. Du kan frådele fleire parsellar samstundes. Det er viktig at du målset godt og merkar dei med parsell 1,2 osv.
Lenke til kartet finn du her
Her finn du søknadsskjema som du må fylle ut. (PDF, 255 kB)
Sjekk kva status eigedomen har i kommuneplan/ reguleringsplan. Det er viktig at dersom du skal dele frå ei tomt at den er avsett til formålet den er tenkt nytta til.I kommuneplan og reguleringsplan finn du bruksformålet til eigedomen din.
Dersom den ikkje er det, må du søkje om dispensasjon i eige skriv.
Det er grunneigar som kan søke om frådeling. Dersom nokon annan skal søke, må dei ha fullmakt frå grunneigar. Denne må ligge ved søknaden.
Alle naboar må ha nabovarsel. Naboar er eigarar/festarar av eigedom som grensar til eigedomen din. Gjenbuar er naboen som er eigar/festar av eigedom på andre sida av vegen.
Naboliste kan du få ved å kontakte Sande kommune. Naboane kan og bekrefte på mail om at dei samtykkjer i planane. Naboane skal sende evnt. merknadar til deg, slik at du kan sende dei samla saman med søknaden til kommunen.
Dersom du skal sende nabovarsel rekomandert i posten, så må du fylle ut eit nabovarsel til kvar enkelt nabo saman med kart som syner tenkt frådeling. Vidare tek du med nabovarslingslista til posten der dei kvitterer på at du har sendt nabovarsel rekommandert. Dersom du ikkje har høyrt frå den varsla naboen etter 14 dager, så kan du rekne med at naboen godkjenner frådelingsplanane.
Kva kostar det?
Her finn du fullstendig prisliste for 2025
Søknaden kan sendast til post@sande.kommune.no
eller til Sande kommune, Rønnebergplassen 17, 6084 Larsnes