Sande kommune buset flyktningar etter avtale med Integrerings- og mangfoldsdirektoratet (IMDi). Kommunestyret vedtek kor mange flyktningar som skal busettast i kommunen.

Flyktningtenesta står ansvarlege for busetting og kvalifisering av flyktningar som kommunen får fordelt frå IMDi.

Etter busettinga har flyktningtenesta ansvar for å følgje opp flyktningane, med mål om at dei skal bli godt integrerte i det norske samfunnet. Dette skjer gjennom å legge til rette for at dei får:

• gode ferdigheiter i norsk språk
• kunnskap om norsk samfunnsliv og kultur

Eit viktig tilleggsmål er å bidra til at innvandrarar blir økonomisk sjølvstendige, slik at dei kan delta aktivt i arbeidslivet og samfunnet.

Introduksjonsprogrammet – veg inn i arbeids- og samfunnslivet

Introduksjonsprogrammet er eit individuelt tilpassa fulltids kvalifiseringstilbod for nykomne innvandrarar. Målet er å førebu deltakarane på deltaking i det norske arbeidslivet og samfunnet.

Deltakarar i introduksjonsprogrammet har rett til introduksjonsstønad, som er ei økonomisk yting under programperioden.

Kommunen sitt ansvar

Ifølgje integreringslova § 12 har kommunen ansvar for å tilby og sørge for oppstart av introduksjonsprogram til personar som er omfatta av målgruppa i § 8.

Å «sørge for» betyr at kommunen har ansvar for at kvar enkelt får eit tilbod – sjølv om delar av oppfølginga kan vere delegert til andre aktørar. Det er likevel kommunen som har det overordna ansvaret.

Korleis starte introduksjonsprogrammet?

Flyktningar som blir busette i Sande kommune etter avtale med IMDi, får tilbod om deltaking frå flyktningtenesta. Personar som kjem til Noreg gjennom familieinnvandring, må sjølv søkje om å delta i programmet.

Kva er introduksjonsprogrammet?

Introduksjonsprogrammet er eit individuelt tilpassa fulltids kvalifiseringstilbod for nykomne innvandrarar. Målet er å styrke deltakinga i arbeids- og samfunnslivet og bidra til økonomisk sjølvstende.

Programmet er retta mot personar som har behov for grunnleggande kvalifisering, og skal:

• gi grunnleggande ferdigheiter i norsk
• gi innsikt i norsk samfunnsliv og kultur
• førebu deltaking i arbeidslivet

Programmet er heilårig og på fulltid, og skal minst innehalde:

• norskopplæring
• samfunnskunnskap
• arbeids- eller utdanningsretta tiltak

Som deltakar får du introduksjonsstønad. På årsbasis tilsvara dette to gongar grunnbeløpet i folketrygda. Personar under 25 år får 2/3 stønad.

Krav til deltaking

For å motta introduksjonsstønad må du delta aktivt i programmet. Programmet følgjer reglane i arbeidslivet for frammøte. Ugyldig fråvær fører til trekk i stønad.

Kontaktperson / programrådgjevar

Kvar deltakar får ein kontaktperson ved Herøy Kvalifiseringssener. Denne personen blir kalla programrådgjevar, og har ansvar for oppfølging gjennom heile programperioden.

Flytting frå busettingskommune – viktig informasjon

Fleire kommunar opplever at flyktningar ønsker å flytte frå den første busettingskommunen før det har gått fem år. Det er viktig å vere klar over kva reglar som gjeld.

Dei første fem åra

Ein flyktning skal bu i den kommunen vedkomande blei busett i, i minst fem år, med mindre ein får jobb i ein annan kommune og kan forsørge seg sjølv.

I denne perioden blir flyktningen rekna som primærflyktning, og det er busettingskommunen som har ansvar for:

• busetting
• integrering
• kvalifisering
• tenester frå flyktningtenesta og NAV

Dette ansvaret er basert på avtalen mellom kommunen og Integrerings- og mangfaldsdirektoratet (IMDi).

Streng praksis ved flytting

Kommunane fører ein streng politikk når det gjeld flytting før fem år er gått, og vil i dei fleste tilfelle avvise flytting til annan kommune.

Dersom du likevel ønsker å flytte, må du vere sikker på at du:

• er økonomisk sjølvstendig
• kan skaffe deg eigen bustad
• har midlar til depositum og innbu
• ikkje har behov for hjelp frå flyktningtenesta eller NAV

Dersom du flyttar og seinare treng hjelp, må du flytte tilbake til busettingskommunen for å få rett til tenester.

Unntak ved sterk tilknyting

Kommunar kan vurdere å godta flytting dersom du har sterk tilknyting til den nye kommunen, til dømes:

• ektefelle
• registrert partner
• felles barn

Dette gjeld kjernefamilie, og vurderinga skjer individuelt.

Viktig: Kontakt kommunen

Du må kontakte busettingskommunen i god tid før du planlegg å flytte – både dersom det har gått mindre enn fem år, og etter fem år.