Når du eller nokon du kjenner har det vanskeleg, er det viktig å fortelje det til nokon. Det er mange rundt deg som bryr seg og ynskjer å hjelpe. Ta kontakt med ein du stolar på. Ein slik person kan vere lærar, helsesjukepleiar, fotballtrenar, ein god venn eller nokon i familien. 

Du kan også ta kontakt med nokon av dei som er lista opp under. 

Sande Helsestasjon
Held til på Nygla i same bygg som legekontoret. Dei gir tenester til born og ungdom i alderen 0-20 år og deira føresette, og til gravide. Tlf: 700 26 760. Besøk Helsestasjonsportalen for meir informasjon. 

Helsesjukepleiar i skulen
Helsestasjonen har også helsesjukepleiar til stades ved kvar skule i Sande kommune - du kan ta kontakt med din helsesjukepleiar på din skule eller kome innom på trefftid.

Trefftid i skulehelsetenesta er slik:

Larsnes oppvekstsenter: Onsdagar kl. 8-15

Gursken oppvekstsenter: Onsdagar kl. 8-15

Kvamsøy oppvekstsenter: Torsdagar kl. 8:30-13

Helsestasjon for ungdom
Sande kommune tilbyr helsestasjon for ungdom. Vi har ikkje noko formell tid, men du kan avtale med helsesjukepleiar på SMS. Ta gjerne kontakt for ein prat. Vi ynskjer å snakke med deg uansett alvorsgrad på problema. Ingenting er eit for lite problem. I tillegg tilbyr vi prevensjonsrettleiing, testing for seksuelt overførbare sjukdommar, graviditetstesting, samtalar om psykisk og fysisk helse med meir. Vi har også tilgong til lege. 

Her kan du lese meir om PPT.

Alle personar som er busette i ei norsk kommune har rett til fastlege. Du har rett til å bytte fastlege inn til to gongar pr. kalenderår og du kan ha fastlege i ei anna kommune enn den du bur i. Fastlegen er ansvarleg for å følgje opp pasientane sine i legekontoret si opningstid. Ved akutt oppstått skade eller sjukdom utanom fastlegen si opningstid må du kontakte legevakta (116 117). Dersom det står om liv, ring 113.

Les meir om fastlegeordninga her.

Sande legesenter  
Prestegardsvegen 5
6084 Larsnes 

Telefon: 70026750
Telefon legevakt: 116 117

Klikk her for å kome til Sande legesenter si heimeside.

Hareid, Sande, Ulstein, Volda og Ørsta har felles barnevernteneste med tilhaldsstad på rådhuset i Volda. 

Hovudoppgåva til barnevernet er å gi born, unge og familiar hjelp og støtte i vanskelege situasjonar. Det er foreldra som har ansvar for å gi borna sine omsorg. Dersom foreldra ikkje strekk til, kan barnevernet bidra til å sikre born og unge omsorg, tryggleik og moglegheit til utvikling. 

Adresse:
Stormyra 2
6100 VOLDA

Telefon: 70 05 88 00
Nettstad: volda.kommune.no/barnevern

Barnevernsvakta
Barnevernsvakta er barneverntenesta sin akuttberedskap og er open heile døgnet.
Hovudoppgåva er å bistå born, unge og familiar i akutte situasjonar, og dei skal først og fremst sikre at born og unge har det trygt. 

Adresse:
Ålesund politistasjon
Korsegata 4 (Postgården)
6003 ÅLESUND

Telefon: 02800 / 91 57 60 20

Har du eller nokon du kjenner blitt utsette for noko ulovleg? Eller er du kanskje usikker på om det du har vorte utsett for, er ulovleg eller ikkje? Då kan du ta kontakt med politiet der du bur. Klikk her for å lese meir om kva politiet kan hjelpe deg med.

Herøy og Sande lensmannskontor.
Saunesvegen 10
6065 Ulsteinvik

Telefon: 70 11 87 00
E-post: post.moreogromsdal@politiet.no

Klikk her for å kome til politiets heimeside. 

Barnekonvensjonen er ein internasjonal avtale som gir born og unge eit særskilt menneskerettsvern. Barnekonvensjonen er også kalla borna si eiga grunnlov. Noreg har skrive under barnekonvensjonen og gjort den til norsk lov. Barnekonvensjonen gir born eigne rettar, til dømes rett til skule, helsehjelp, leik og fritid. Ein viktig rett er at barn skal verte høyrde i saker som gjeld dei. 

Barnelova (lov om born og foreldre) regulerer mellom anna foreldra sine plikter og ansvar, og borna sine rettar. Les meir om barnelova på ung.no.

Har du foreldre som ofte kranglar, som skal skilje seg, eller opplever du vald i heimen? Her er lenker til informasjon og gode råd.

Når foreldra kranglar

Skilsmisse

Drikk mor eller far din for mykje?

Foreldre med psykiske problem? 

Opplever du vald i heimen? 

Nettvett handlar om å vere smart når du er på nett. Anten på mobil, nettbrett eller pc. Både born og vaksne treng å lære om nettvett, slik at vi kan unngå uheldige opplevingar når vi spelar, chatter, delar bilete eller er på leit etter informasjon. 

Har du opplevd krenking på nett og treng hjelp? Ta kontakt med nokon under "desse kan hjelpe". 

Lenker til info og råd om nettvett

Om nettvett - Redd barna

Redd barnas nettvettregler 

Om nettvett - ung.no

Nettvett.no

Gode råd om nettvett - ung.no

Delbart? - politiet

Er det delbart? Sjå film

Slettmeg.no

Alle born og unge har rett til eit trygt og godt læringsmiljø. Barnehagar og skular har nulltoleranse mot mobbing, krenking, vald, diskriminering og trakasering. Barnehagane og skulane tolererer ikkje baksnakking, isolering, utestenging, hatytringar eller meir indirekte krenkingar. 

Om du opplever miljøet du er i som utrygt, sei ifrå til ein venn,  vaksne i  barnehagen/skulen eller til foreldra dine. Dei vaksne i barnehage og skule har aktivitetsplikt. Det betyr at dei har plikt til å undersøkje og setje i verk tiltak til det  vert betre.

Andre som kan bistå er hjelpetenestene i kommunen som helsesjukepleiar og PPT.

Tilsette i barnehage har og ei aktivitetsplikt.   Det same gjeld tilsette i skulen.

Her er andre hjelpesider der du kan finne informasjon:

Få hjelp mot mobbing

Mobbeombodet i Møre og Romsdal 

Du bestemmer om det er mobbing eller ikkje

Kjenner du deg utestengd?

Her finn du gode nettsider og artiklar som omhandlar kropp, identitet og seksualitet. Du finn også informasjon om kva eit seksuelt overgrep er. Dersom du har opplevd dette, må du ta kontakt med nokon du stolar på (link til desse kan du ta kontakt med). 

Lurer du på noko om kropp og sex?

Kva er seksuelle overgrep?

Få hjelp etter seksuelle overgrep