Kva bestemte kommunestyret

Sak K-09/25 Val av personleg vara til medlem av eldrerådet

Vedtak:

Kommunestyret vel Brynhild Mykkeltveit som personleg vara for Inger-Johanne Husøy, Gjerdsvika

Sak K-10/25 Fritak og suppleringsval - Næring, teknisk og miljøutval

Vedtak:

Fellesliste for Senterpartiet og Arbeidarpartiet i Næring, teknisk og miljøutvalet vert endra slik frå d.d.:

Gudmund Stavik vert ny 1. vara.
Daiva Kirsiene vert ny 3. vara.

Sak K-11/25 Debatthefte 2025 Frå forventning til røyndom

Vedtak:

Sande kommunestyre sender inn saksutgreiinga som innspel til KS Møre og Romsdal.

Sak K-12/25 Delegeringsreglement for Sande kommune - revisjon 2025

Kommunestyret vedtek den reviderte versjonen av delegeringsreglement for Sande kommune for perioden 2024 - 2028.

Sak K-13/25 Vedtekter for kommunale barnehagar i Sande kommune

Vedtak:

Vedtekter for kommunale barnehagar i Sande kommune vert vedtekne slik dei ligg føre.

Sak K-14/25 Mottak og busettingar av flyktningar 2025

Vedtak:

Sande kommune vedtek å busette 10 flyktningar i 2025. Familiesameinte kjem i tillegg.
Sande kommune har ikkje høve til å busette einslege mindreårige utan følgeperson.
For å kunne oppretthalde høg kapasitet til mottak av flyktningar er det tilgang til ledige kommunale bustadar, og kapasiteten innan helse om omsorgstenestene som er mest avgjerande.

Sak K-08/25 Krav om lovlegkontroll

Vedtak:

Kommunestyret tek opp igjen den påklaga voteringa, og stemmer på nytt over dei tre forslaga i tråd med kutyme for avstemming.

Omgjeringsvedtak:

På grunn av den økonomiske situasjonen så er det, for å skaffe kommunen eit handlingsrom, nødvendig å gjennomføre tiltak som reduserer utgiftene og aukar inntektene. Kommunestyret i Sande ynskjer, gjennom å bruke ekstern hjelp, å utarbeide ein rapport som riggar heile oppvekstsektoren i Sande for framtida.
Føresetnadane for rapporten kan vere:
- Korleis vi best kan rigge oppvekstsektoren i Sande kommune for framtida
- Tiltak på kort sikt.
- Tiltak lang sikt.
- Gi betre tenester
- Oppfylle kompetansekrav.
- Transportmuligheiter og kostnad ved dette.
- Eventuell økonomisk gevinst
- Kva ulike investeringar vil gi i auka rentekostnadar. Økonomisk gevinst er ein hovudregel og er avgjerande, men fleire av prinsippa bør liggje til grunn.

Rapporten bør vere klar til juni 2025, slik at ein kan starte på eventuelle prosessar til skulestart i 2026.

Det skal søkast prosjektskjønn frå Statsforvaltaren for å gjennomføre ei slik kartlegging.

Sak K-15/25 Framtidig skulestruktur for Sande kommune

Saka vert trekt og sendt tilbake til formannskapet for ny handsaming og tilråding til kommunestyet.

Sak K-16/25 Øvingslokale for Gursken Brass - tiltak

Vedtak:

Sande kommune vedtek å forskottere ein på sum på inntil kr 200 000,- eks.mva i samband med oppgradering av gymsalen ved Gursken oppvekstsenter.

Det skal opprettast eit eige prosjektnummer for dette tiltaket.

Vedlagt avtale vert godkjent.

Sak K-17/25 Endring av investeringsbudsjett i budsjett 2025 og økonomiplan 2025-2028

Saka vert sendt attende til formannskapet for å gjere prioriteringar og ny tilråding til neste kommunestyremøte.

Sak K-18/25 Investeringsprogam for fylkesvegane i Møre og Romsdal - 2022 - 2035

Vedtak:

Sande kommune ber Møre og Romsdal fylkeskommune å prioritere følgjande fylkesvegprosjekt i investeringsprogram for fylkesveg for perioden 2026-2023:

Fylkesveg-prosjekt	Omfattar tiltak i eiga kommune
Fv 5866, X fv61 – Hallelia, gang og sykkelveg.	Opparbeide av kollektivpunkt ved Hallekrysset (fv.61/fv.5866) og gang- og sykkelveg langs fylkesveg 5866 til Hallelia bustadfelt. Tiltaket har godkjent reguleringsplan, Hallekrysset, som vart vedteken i 2023.
Fv 6868, Vik-Sætre, Gang- og sykkelveg og flytting av enkelte delar av fylkesveg.	Opparbeiding av ny gang- og sykkelveg langs fylkesveg 5868 mellom Vik til Sætre, for sikre trygg skuleveg til og frå Haugsbygda. Utarbeiding av reguleringsplan for denne gang- og sykkelvegen pågår. Planen har gjennomført fyrste gong høyring.
Fv.5860-Oppstillingsplass Voksa ferjekai	Fylkeskommune har utbetra tre ferjekaie for større ferje på rute 1066 Larsnes-Åram-Voksa-Kvamsøy i 2024. Ferjekaia på Voksa har ikkje oppstillingsplass i dag, og nyttar køyrefelt på fylkesveg 5860 til oppstilling. Utbygging av ny oppstillingsplass vil gjere Voksa ferjekai meir trafikktrygg, spesielt med omsyn til mjuke trafikantar.
Opparbeiding av busshaldeplassar og busskur, samt lyssetting langs fylkesveg og kommuneveg	Avsetting av investeringsmidlar til opparbeiding av nye busshaldeplassar, og til oppsetting av busskur langs fylkesveg. Dette for å vareta trafikktrygging av skuleveg. Samstundes prioritere høgare økonomiske støtte til etablering av kommunale haldeplassar og busskur for skuletransport. Sørge for lyssetting, skilting og oppmerking langs skulevegar, og i prosjekt som ikkje er sluttstilt, til dømes Årvik ferjekai.
	Omfattar tiltak i andre kommunar:
Fv.61-Dragsundsbrua trafikksikring	Trafikk over Dragsundbrua er ein flaskehals for både mjuke trafikantar og bilistar. Årsdøgntrafikken er registert til 6516 kjøyretøy. Det er registrert i vegbasen 9 ulykker her. Brua bør opparbeidast med 2 køyrefelt og fortau for gåande og syklande. Dette for sikre trygg trafikk over brua.

Sak K-19/25 Anskaffing av tenester i samband med reguleringsplanarbeid for vegprosjektet SAFAST

Vedtak:

Sande kommune ynskjer å bidra til at reguleringsarbeidet for Safastprosjektet kan få snarleg oppstart. Kommunestyret gir formannskapet mynde til å inngå avtale om samarbeid med selskapet. Ein ber om avklaringar når det gjeld tidsplan, særskilte utgreiingar, økonomisk ansvar og rollefordeling i arbeidet før avtale vert underteikna.