Pixabay

Her må eg igjen få trekke fram det fantastiske kulturmiljøet i bygdene våre. Det gjev  oss så mange gode stunder med eit mylder av arrangement gjennom adventstida,  som fullsette konsertar i kyrkjene , i samfunnshus og i skulane. Så flott at Kulturskulen, lokale korps og kor med solistar dreg vekslar på kvarandre. Ei stor takk til alle som bidreg.

Til julestemninga høyrer også x-antal tusen utandørs julelys som vert tende. Takk til alle som med lyssetting bidreg til at det lyser i «stille grender» gjennom mørkaste tida.

Jula er ei gledestid, men også ei tid for vemod og sakn etter nokon som ikkje lenger er blant oss. Nokre kjenner seg einsame, nettopp i jula. Såleis er jula også ei tid for omtanke. Slå ring om kvarandre.

God Jul og Godt nyttår til alle!

Med beste helsing

Dag Vaagen -

ordførar